O paro na provincia sobe en 2.377 persoas en setembro ata un total de 73.198 desempregados
Por Oskar Viéitez
Creada e actualizada
Creada e actualizada
Como era previsible, setembro non foi un bo mes para os datos de desemprego en Pontevedra. Ao remate da tempada estival, de novo produciuse un notable incremento no número de parados. No caso da cidade de Pontevedra, foron 184 persoas as que se sumaron ás listas de demandantes de emprego, segundo os datos publicados este martes pola Consellería de Economía, Emprego e Industria.
Así, na Boa Vila había, a 30 de setembro un total de 6.070 parados. Trátase dun 3,03% máis que en agosto.
A subida no número de desempregados foi xeneralizada en todos os concellos do ámbito de influencia da capital, coa excepción de Cuntis que mantivo a súa cifra invariable.
Setembro | Agosto | Variación | |
Pontevedra | 6.070 | 5.886 | 184 |
Barro | 295 | 268 | 27 |
Bueu | 798 | 724 | 74 |
Caldas de Reis | 785 | 744 | 39 |
Cambados | 1.029 | 922 | 107 |
Campo Lameiro | 136 | 134 | 2 |
Cerdedo-Cotobade | 358 | 348 | 10 |
Cuntis | 328 | 328 | 0 |
O Grove | 632 | 474 | 158 |
A Illa de Arousa | 286 | 272 | 14 |
A Lama | 180 | 178 | 2 |
Marín | 1.775 | 1.666 | 109 |
Meaño | 359 | 339 | 20 |
Meis | 364 | 344 | 20 |
Moraña | 382 | 377 | 5 |
Poio | 1.126 | 1.030 | 94 |
Ponte Caldelas | 545 | 518 | 27 |
Portas | 213 | 194 | 19 |
Ribadumia | 329 | 280 | 49 |
Sanxenxo | 978 | 722 | 256 |
Vilaboa | 435 | 419 | 16 |
Vilagarcía de Arousa | 3.459 | 3.415 | 44 |
Vilanova de Arousa | 770 | 749 | 21 |
DATOS PROVINCIAIS
O número de persoas en paro rexistradas nas oficinas do Servizo Público de Emprego Estatal (SEPE) aumentou en setembro en 2.377 persoas en relación co mes anterior, o que sitúa a cifra total de desempregados inscritos en 73.198. Destes 30.886 son homes e 42.312 mulleres.
De acordo cos datos publicados hoxe polo Ministerio de Emprego e Seguridade Social, no último ano o paro diminuíu en 4.221 persoas.
GALICIA
Setembro deixa o número de desempregados en Galicia en 197.646 persoas. Isto supón un incremento de 3.329 desempregados.
ESPAÑA
No conxunto do Estado o número de parados rexistrados subiu en setembro en 27.858 desempregados respecto ao mes anterior (+0,8%), a súa maior alza neste mes desde 2012, cando se rexistraron 79.645 parados máis.
O volume total de parados alcanzou a finais de setembro a cifra de 3.410.182 desempregados, o seu nivel máis baixo do últimos oito anos, segundo destacou Emprego.
Relacionadas:
-
Outubro deixa 102 parados máis na cidade de Pontevedra, coa provincia liderando a suba en Galicia
Por Redacción | Creada e actualizada
-
26 persoas sumáronse en agosto ás listas do paro na cidade de Pontevedra
Por Oskar Viéitez | Creada e actualizada
-
A cidade de Pontevedra, por debaixo dos 6.000 parados por vez primeira desde 2009
Por Redacción | Creada e actualizada