Organizan un paseo urbano en bicicleta en recordo ás vítimas de accidentes de tráfico
Por Redacción
O colectivo Masa Crítica convida á cidadanía a participar nun paseo urbano en bicicleta este xoves 26, partindo da Peregrina ás 21:00, "en prol dunha mobilidade máis segura, ecolóxica, sustentable e saudable".
A marcha percorrerá o carril bici da Avenida de Marín ata onde están as bicicletas brancas da rotonda de Malvar, para dar lectura a un pequeno manifesto en recordo aos ciclistas falecidos nas estradas próximas a Pontevedra.
Este ano incorporarán unha bicicleta branca en recordo a Jorge, falecido na PO-308.
Segundo os datos da Dirección Xeral de Tráfico, os usuarios de bicicleta xa son o 3,7% dos falecidos nas estradas e os peóns supoñen o 21,5%.
Masa Crítica afirma que ambos colectivos son especialmente vulnerables e precisan dun especial coidado das administracións e dos condutores de vehículo a motor. Polo tanto, queren reivindicar as necesidades destes dous colectivos.
Relacionadas:
-
Aumentan case un 50% as denuncias a ciclistas por infraccións
Por Redacción |
-
Pedalada familiar para reclamar unha nova vía ciclista na cidade tras dous anos sen crearse ningunha
Por Diego Torrado & Redacción |
-
Pedaladas 'premia' ás administracións pola súa falta de compromiso coa mobilidade activa
Por Redacción |