As castañas chegan este ano a Ponte Caldelas máis solidarias ca nunca
Por Redacción
A asociación de comerciantes de Ponte Caldelas (Coempo) e o Concello colaboran na organización dun magosto solidario que se celebrará nas rúas do centro urbano durante as xornadas deste luns 30 e este martes 31 de outubro en beneficio das persoas afectadas polos incendios do domingo negro do 15 de outubro na localidade.
O magosto adoitaba celebrarse en Ponte Caldelas con castaña de balde para todos, pero nesta ocasión o castañeiro percorrerá a vila repartindo castañas e recollendo un donativo que irá a parar á conta solidaria que o Concello ten aberta con Cáritas a prol das familias afectadas polos incendios.
O magosto celebrarase os dos días en horario de mañá e tarde, de 10.30 a 13.00 horas e de 17.00 a 20.00 horas. O Concello anima a todos os veciños e visitantes a participar nesta iniciativa solidaria.
O alcalde, Andrés Díaz, e os directivos de Coempo Suso Peleteiro (presidente), Roberto Ricón e Diego Rodríguez presentaron a actividade.
O Concello está a traballar en varias frontes para a completa volta á normalidade tralos incendios que queimaron preto de 3.000 hectáreas, o que supón en torno a un terzo da superficie do termo municipal, e causaron graves danos en propiedades particulares e servizos públicos.
Relacionadas:
-
Ponte Caldelas mantén o seu tradicional magosto na última fin de semana de outubro
Por Redacción |
-
61 toneladas de forraxe para os gandeiros de Ponte Caldelas afectados polos incendios
Por Redacción |
-
Ponte Caldelas homenaxea os "heroes da noite dos incendios"
Por Redacción |
-
Un exército de 200 voluntarios para reducir os efectos dos incendios en Ponte Caldelas
Por Redacción |
-
Un cento de voluntarios para a 'operación mulching' de Ponte Caldelas
Por Redacción |
-
Ponte Caldelas busca artistas interesados en colaborar nun festival solidario
Por Redacción |
-
A “operación mulching” chega a Ponte Caldelas con 30 toneladas de palla
Por Redacción |
-
Mercadiño solidario en Ponte Caldelas para axudar os afectados polos lumes
Por Redacción |