A Audiencia ratifica que os terreos de Montecelo son da comunidade de montes
Por Alejandro Espiño
Unha nova sentenza xudicial ratifica a titularidade dos terreos nos que se asenta o hospital Montecelo. E, de novo, a razón asiste á comunidade de montes de Mourente.
A Audiencia Provincial rexeitou o recurso presentado pola Tesourería Xeral da Seguridade Social á sentenza ditada en abril de 2016 polo xulgado de primeira instancia número 4 de Pontevedra.
Este fallo inicial concluía que os terreos eran propiedade comunal, obrigando ao Estado a cancelar a inscrición ao seu nome no rexistro da propiedade.
Os maxistrados da sección terceira ratifican que o hospital ocupa terreos que son "parte integrante e inseparable" do monte comunal de Mourente "desde tempo inmemorial" e recoñecen a nulidade "absoluta ou de pleno dereito" da escritura de cesión gratuíta ou doazón dos terreos, datada o 1971, feita polo Concello de Pontevedra.
A pesar da tese que sostiña a Seguridade Social, a sentenza explica que o uso público das instalacións hospitalarias, construídas e situadas sobre a parcela de monte veciñal, "non alcanza para desvirtuar a conclusión de monte comunal declarada".
Ademais de rexeitar o recurso, a Audiencia impón á Seguridade Social o pago das costas xudiciais de ambas as partes.
Relacionadas:
-
Os comuneiros de Mourente acusan ao Sergas de actuar como un "okupa" nos terreos veciñais
Por Oskar Viéitez |
-
Os comuneiros de Mourente reclaman á Xunta a apertura urxente de negociacións sobre os terreos de Montecelo
Por Oskar Viéitez |
-
A Comunidade de Montes de Mourente celebra o seu 25 aniversario cunha festa no monte do Castro
Por Redacción |
-
Mourente ofrece ceder a Sanidade os terreos de Montecelo "por un módico canon"
Por Alejandro Espiño |
-
A Seguridade Social recorre a sentenza que recoñece a titularidade de Montecelo aos comuneiros de Mourente
Por Oskar Viéitez |
-
Unha sentenza conclúe que os terreos do Hospital Montecelo pertencen aos comuneiros de Mourente
Por Redacción |