O comité de folga do traballadores da xustiza empraza a Feijóo e a Rueda a retomar as negociacións
Por Oskar Viéitez
O vindeiro luns ás dez da mañá "onde eles queiran". Así empraza o comité de folga dos funcionarios da administración de xustiza ao presidente da Xunta, Alberto Núñez Feijóo e ao conselleiro de Xustiza, Alfonso Rueda para retomar as negociacións.
O comité de folga compareceu en rolda de prensa nunha das salas de vistas da Audiencia provincial de Pontevedra onde acusaron a Feijóo de "mentir" polo que consideran "bastas manipulacións dos datos" respecto dos datos que deu o presidente sobre cuestións como a situación retributiva deste colectivo, entre outros.
En representación dos sete sindicatos que integran o comité de folga, Enrique Araújo reclamou a dimisión de Alfonso Rueda "por inepto". Acúsanlle de desentenderse en todo este conflito laboral.
Na rolda de prensa puntualizaron que a Xunta ofrece "cero" euros de subida para 2018, o que mantería a Galicia "á cola" neste exercicio entre as comunidades autónomas que teñen transferida a competencia na administración de xustiza.
SEGUIMENTO
A terceira xornada de folga que tivo lugar este venres alcanzou un seguimento do 93% segundo os datos facilitados polos sindicatos convocantes. Nos xulgados de Vilagarcía, Cambados, Caldas de Reis e Marín, o seguimento foi dun 88% de media.
Os venres adoitan sinalarse poucos xuízos pero si que resultaron suspendidos numerosos actos procesuais de parte, (declaracións, audiencias previas, comparecencias, etc.).
Pola súa banda, a Xunta asegura que o seguimento da folga en Pontevedra foi do 38,73%. Apunta que en toda Galicia foron á folga 1.024 persoas dun total de 2.700. No cálculo destes datos hai que ter en conta que 132 funcionarios non acudiron ao traballo por ausencia xustificada (vacacións, asuntos particulares, ou días de libranza) e 770 cumpriron servizos mínimos.
Relacionadas:
-
Os traballadores da xustiza cumpren cinco semanas en folga en medio de mobilizacións
Por Natalia Puga |
-
Os funcionarios de xustiza pedirán un adianto da nómina como medida de protesta
Por Oskar Viéitez |
-
VÍDEO.- Os xulgados da Parda acollen un reivindicativo enterro do "bicho da Xustiza"
Por Anxo Lourido |
-
O persoal de Xustiza en folga prepara un novo acto de protesta: o velorio de 'Ruedachol'
Por Mónica Patxot & Anxo Lourido |
-
A Xunta alerta o persoal de Xustiza en folga que a súa oferta económica non vai mellorar
Por Redacción |
-
Os sindicatos de xustiza sitúan o seguimento da folga nun 95%, a Xunta rebáixao á metade
Por Oskar Viéitez & Mónica Patxot | Creada e actualizada
-
Seguimento maioritario do persoal de xustiza no inicio da folga indefinida
Por Anxo Lourido |
-
A folga de funcionarios, seguida masivamente nos xulgados de Pontevedra
Por Redacción |
-
O xuízo contra os gardas 'toupas' de narcos, suspendido pola folga da xustiza
Por Natalia Puga |
-
Os sindicatos estiman que a folga na xustiza afectará a uns 150 actos procesais na cidade
Por Oskar Viéitez |