As obras da curva de Barbeira de Arriba provocarán o peche da estrada Escuadra-Caroi
Por Redacción
As obras que está a executar a Deputación de Pontevedra para o ensanche e mellora da curva de Barbeira de Arriba provocará o peche ao tráfico rodado da estrada que une A Escuadra con Caroi durante os días luns 19, martes 20 e mércores 21 próximos.
O corte de tráfico é necesario para poder efectuar adecuadamente os traballos requiridos para resolver un grave problema que viña acusando este tramo do viario e que levaban reclamando a súa reparación desde hai anos tanto veciños como o propio Concello da Lama.
Os traballos que se están levando a cabo contan cun orzamento total duns 71.000 euros afrontados pola Deputación de Pontevedra, titular desta estrada que vertebra territorialmente o interior da provincia entre os municipios da Lama e Cerdedo- Cotobade, máis concretamente entre A Escuadra e Caroi.
O alcalde da Lama, Jorge Canda agradeceu á Deputación de Pontevedra o esforzo investidor nesta curva pero volveu insistir na necesidade de afrontar antes de que finalice a presente lexislatura do ensanche de 1,8 quilómetros desta estrada que une A Lama co veciño municipio de Cerdedo-Cotobade a través da parroquia de Caroi.
Relacionadas:
-
Piden aos veciños que cedan terreos para mellorar a estrada de Caroi
Por Redacción |
-
A Deputación mellorará o estado da estrada Peso-Caroi, na Lama
Por Redacción |
-
Piden aos veciños a cesión de terreos para mellorar o trazado da curva perigosa de Barbeira de Arriba
Por Redacción |
-
Piden á Deputación que arranxe a estrada A Escuadra-Caroi
Por Redacción |