A APDR convoca para o sábado 16 de xuño a súa marcha anual contra ENCE
Por Diego Espiño
A Asociación Pola Defensa da Ría (APDR) volverá saír á rúa un ano máis para esixir a saída do complexo industrial de Ence-Elnosa da súa actual localización en Lourizán, aos pés da Ría de Pontevedra.
O colectivo convocou para o sábado 16 de xuño (19:30 horas) a súa marcha anual desde as Alamedas de Pontevedra e Marín ata a fábrica, unha manifestación que contará esta vez cun lema, 'Debaixo da fábrica están as praias'.
"Con este eslogan queremos reivindicar a recuperación das praias urbanas de Pontevedra que están debaixo da fábrica e a praia marisqueira máis importante da ría", explicou o presidente da APDR, Antón Masa.
A protesta adquire nesta ocasión novos matices co cambio no Goberno de España e a chegada do Partido Socialista, a quen lle pide que cumpra o compromiso adquirido de "se chegaban ao Goberno facer todo o posible para derogar a concesión".
"Hai unha cousa que poden facer xa, decretar a caducidade de Elnosa", sinalou Masa en referencia á clorera, aínda que sen esquecer a prórroga da concesión a Ence que mantén é "ilegal ou como mínimo indecente".
A xornada reivindicativa completarase nesta ocasión cunha festa previa na Alameda de Pontevedra, aínda sen definir pero na que a idea é organizar unha comida e diferentes actividades previas á marcha, con obradoiros para nenos e animación musical.
Ademais a manifestación de protesta contra a permanencia de Ence servirá de colofón, explica APDR, á campaña da Iniciativa Lexislativa Popular (ILP) para a defensa do bosque autóctono.
Relacionadas:
-
A APDR cumpre coa súa marcha anual contra ENCE mirando de esguello ao cambio de Goberno
Por Diego Espiño & Diego Torrado |
-
ENCE defende ante a marcha de protesta da APDR que cumpre "rigorosamente" a normativa ambiental
Por Redacción | Creada e actualizada
-
ENCE investirá 4 millóns de euros nun secadero de cortizas na súa fábrica de Lourizán
Por Oskar Viéitez |
-
O Concello asegura que Ence pretende construír unha nova cheminea de 70 metros de altura
Por Oskar Viéitez |
-
ENCE di que a utilización de gas natural como combustible de apoio en Lourizán minimizará as súas emisións
Por Oskar Viéitez |
-
En Marea asegura que o PSOE "xógase moito" coa decisión que tome sobre ENCE
Por Alejandro Espiño |
-
A APDR pide á Xunta que paralice a tramitación do plan sectorial de ENCE
Por Oskar Viéitez |
-
A APDR celebra tres décadas de loita ecoloxista
Por Diego Torrado & Oskar Viéitez |
-
Cheo no Teatro Principal na estrea do documental 'Fóra' sobre a loita contra Ence
Por Redacción |