Sete empresas presentan as súas ofertas para a construción do edificio cultural O Revel
Por Redacción
Un total de sete empresas presentaron as súas ofertas para a construción do novo edificio cultural de O Revel.
Despois de moitos anos de espera, o pasado 23 de novembro o goberno local do Concello de Sanxenxo licitaba as obras de construción deste edificio amplo, con dúas plantas que inclúe, entre outros equipamentos, un auditorio e que ten un orzamento total de 1.555.577 euros.
Agora, a mesa de contratación, seguirá os prazos de licitación, valorando as ofertas presentadas por Construcciones Álvarez Prol, Civis Global, Copasa, Obras y Servicios Gómez Crespo, Construcciones Ramírez, Copcisa e Prace Servicios y Obras.
A construción deste edificio interrompeuse en 2008 cando estaba feita a cimentación e unha parte da estrutura, nas que se investiron preto de 200.000 euros.
A parcela na que está situado, en O Revel, ten unha extensión de máis de 2.500 metros cadrados e conta cos servizos de rede de abastecemento de auga e saneamento, enerxía eléctrica e a zona dispón de beirarrúas e iluminación público.
Relacionadas:
-
Sanxenxo destina 210.000 euros á mellora de seis camiños en Vilalonga e Noalla
Por Redacción |
-
Os veciños de Vilalonga coñecen os proxectos para a parroquia
Por Oskar Viéitez |
-
Os veciños de Vilalonga poderán estrear o edificio cultural do Revel no Nadal de 2019
Por Redacción |
-
Sanxenxo espera adxudicar as obras do novo centro sociocultural de Vilalonga antes de final de ano
Por Redacción |