Unha exposición mostra a reciclaxe como unha ferramenta de inclusión social e laboral
Por Redacción
Dende este xoves e ata o 4 de xaneiro pódese visitar a exposición de productos de reciclaxe elaborados por participantes da Asociación Boa Vida, un colectivo que loita contra a pobreza e a exclusión social e que traballa para disminuir as desigualdades, fortalecer capacidades e mellorar o acceso a oportunidades, a través da formación e o traballo en equipo.
Esta mostra é parte do camiño inciado hai catro anos coa formación en reciclaxe como unha ferramenta de inclusión social e laboral. Unha actividade financiada pola Deputación de Pontevedra e a Consellería de Política Social.
Neste proceso recibiron becas de formación, que lles permiten ter pequenos ingresos.
A mostra recolle produtos realizados ao longo de diversos cursos coma decoración de tellas, obxectos feitos con cintas vhs e de reciclaxe textil.
Todos eles poden mercarse na tenda da rúa Santa Clara, número 35. A metade do prezo de venda será para as persoas que elaboraron o producto.
Relacionadas:
-
"Na pandemia tivemos que comprar produtos de primeira necesidade para familias"
Por María José Pita & Mónica Patxot |
-
Boa Vida celebra o seu I Encontro Anual para sensibilizar á poboación sobre a pobreza
Por Almu Dapena |
-
Boa Vida fai un chamamento para loitar este Nadal contra a pobreza
Por Redacción |