Domingo de bo tempo para tapear e camiñar por Tourón
Por Redacción
O bo tempo acompañou este domingo aos participantes na primeira das andainas do programa Patea Tapea deste 2019 de Ponte Caldelas.
Arredor de 200 persoas sumáronse á iniciativa, que permitiu gozar das paisaxes da parroquia de Tourón, por onde discorreu integramente o percorrido.
A ruta incluíu unha visita a Área Arqueolóxica de Tourón e, posteriormente, ao castro da Cidade. Rematou seguindo o curso do río San Vicente ata a ermida do mesmo nome, para volta ao adro da igrexa de Tourón.