VÍDEO.- Por terceiro ano consecutivo, Os do Val do Lérez vencen na final de Murgas
![](/web/cache/scene/uploads/fotos/foto/bb1/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c821bc008-os-do-val-do-lerez-20190307-diegotorrado-murgas-2019-final-86.jpg)
© Diego Torrado
![](/web/cache/scene/uploads/fotos/foto/dcc/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c8218fe8b-20190307-diegotorrado-murgas-2019-final-56.jpg)
© Diego Torrado
Os do Val do Lérez volveron triunfar, por terceiro ano consecutivo, na final do Concurso de Murgas do Entroido pontevedrés. A agrupación ofreceu o seu habitual humor recreando escenas singulares ocurridas en Pontevedra durante os últimos meses como a do condutor do camión que golpeaba cun martelo a dous ciclistas na estrada vella a Marín ou o "atentado" á figura do loro Ravachol na Peregrina. A agrupación acadaba 79 dos 80 puntos posibles e se proclamaban gañadores por diante doutra das murgas habituais nesta cita, o Equipo Ja, que conseguía 75 puntos.
A terceira posición foi para Jana de Leria, mentres que Murga PTV e Os Arrumbados foron cuartos e quintos respectivamente nesta final que volveu encher as butacas do auditorio do Pazo da Cultura.
O evento, ao igual que as semifinais, contou coa presentación de María Carrera, que utilizou o humor ao longo da velada co alcalde de Pontevedra, Miguel Anxo Fernández Lores, que asistíu a esta gran final.
Este venres está prevista a celebración da Mostra da Parodia a partir das 22.30 horas. Doce agrupacións van montar os seus espectáculos en diversas prazas e rúas na contorna do centro histórico.
Gran final do concurso de Murgas 2019
Os do Val do Lérez gañaron nesta edición vencendo o Equipo Ja, Jana de Leria, Murga PTV e Os arrumbados
© Diego Torrado
Final do Concurso de Murgas 2019
A agrupación Os do Val do Lérez vence por terceiro ano consecutivo
© Diego Torrado
Relacionadas:
-
Un Ravachol feminista sucumbe ao lume para despedir o Entroido de Pontevedra
Por Alejandro Espiño & Diego Torrado |
-
As murgas amenizan a sesión vermú na recta final do Entroido de Pontevedra
Por Redacción & Diego Torrado |
-
A irreverente Mostra da Parodia enche de bo humor as rúas de Pontevedra
Por Alejandro Espiño & Diego Torrado |
-
Doce agrupacións participarán este venres na Mostra da Parodia
Por Redacción |
-
VÍDEO.- Os do Val do Lérez, Equipo Ja, Os arrombados, Murga PTV e Jana de Leria, á gran final das Murgas
Por Diego Torrado & Redacción |
-
VÍDEO.- O humor sarcástico asalta a primeira semifinal do Concurso de Murgas
Por Diego Torrado & Redacción |