A Policía Local intercepta un furtivo na Reiboa con 10 quilos de ameixa xapónica
Por Redacción
© Policía Local de Poio
A Policía Local de Poio interceptou durante a mañá do venres 31 de maio a un mariscador furtivo na praia da Reiboa.
Unha patrulla de servizo observou o home cando, ao redor das 12:00 horas, pretendía saír do areal cun saco de ameixa. Ao percatarse da presenza dos axentes soltou o saco e tentou disimular entre os bañistas, sendo identificado nese mesmo momento.
O saco contiña en concreto 10 quilos de ameixa xapónica.
A persoa ten 41 anos de idade e é veciño de Poio. Será denunciado por unha infracción administrativa ante os órganos competentes da Xunta de Galicia.
Esta actuación da Policía Local súmase á realizada recentemente de maneira conxunta cos vixiantes de Gardapescas da Confraría de Pescadores de San Telmo en Lourido, onde interceptaron a dous mariscadores furtivos con 20 quilos de bivalvos extraídos en zona prohibida e pechada á actividade por alta concentración de toxina.
Relacionadas:
-
Investigan por reincidencia "aos dous furtivos de sempre"
Por Redacción |
-
Localizan dous varóns extraendo ameixa de xeito furtivo na ría de Pontevedra
Por Oskar Viéitez |
-
Interceptan un autocaravanista alemán que se fixo pasar por mariscador e colleu 8 quilos de ameixa en Poio
Por Natalia Puga |
-
Incautan 17 quilos de ameixa en Poio duns furtivos que se deron á fuga
Por Redacción |
-
Interceptan dous furtivos con 20 quilos de ameixa extraídos dunha zona pechada pola toxina
Por Redacción |
-
A Garda Civil desarticula un grupo de mariscadores furtivos que actuaba nas rías de Pontevedra e Vigo
Por Redacción |