Interceptan un autocaravanista alemán que se fixo pasar por mariscador e colleu 8 quilos de ameixa en Poio
![Natalia](/web/cache/scene/uploads/xornalistas/foto/9b5/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/577f8fbb69-hkm23_ri.jpg)
Por Natalia Puga
![](/web/cache/scene/uploads/fotos/foto/304/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d0ba21686-whatsapp-image-2019-06-20-at-16.00.19.jpeg)
© Policía Local de Poio
![](/web/cache/scene/uploads/fotos/foto/6e7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d0ba31549-whatsapp-image-2019-06-20-at-15.59.47.jpg)
© Policía Local de Poio
A Policía Local de Poio e os gardapescas da Confraría de Pescadores de San Telmo de Pontevedra interceptaron a un home de nacionalidade alemá que, aproveitando que estaba de turismo na zona, baixou á praia da Reiboa e colleu oito quilos de ameixa japónica.
O home chegou a Poio xunto á súa familia en autocaravana e tiña o vehículo, con placas de matrícula alemás, estacionado no aparcadoiro da Reiboa, segundo a información facilitada pola Policía Local de Poio.
Os policías e vixiantes da confraría interceptárono na mañá deste mércores 19 de xuño cando estaba a faenar na praia. Mesturouse entre as mariscadoras que se atopaban extraendo o molusco con autorización.
Unha vez interceptado, os policías e gardapescas interviñéronlle o cubo de praia no que levaba a ameixa. Dous dos oito quilos non tiña o tamaño regulamentario. Dado que era inferior á talla mínima esixida para a súa extracción, os moluscos foron devoltos na súa totalidade ao medio mariño.
O furtivo será denunciado por unha infracción administrativa ante os órganos competentes da Xunta de Galicia.
Relacionadas:
-
A Consellería do Mar chama á responsabilidade da cidadanía para que non adquira produtos furtivos
Por Redacción |
-
Sorprenden, unha vez máis, a tres furtivos habituais extraendo ameixa na praia de Cabeceira
Por Redacción |
-
Localizan dous varóns extraendo ameixa de xeito furtivo na ría de Pontevedra
Por Oskar Viéitez |
-
Incautan 17 quilos de ameixa en Poio duns furtivos que se deron á fuga
Por Redacción |
-
A Policía Local intercepta un furtivo na Reiboa con 10 quilos de ameixa xapónica
Por Redacción |
-
Interceptan dous furtivos con 20 quilos de ameixa extraídos dunha zona pechada pola toxina
Por Redacción |