Os libros usados espertan interese en Marín
Por Redacción
A Feira de Libros Usados de Marín celebrou este sábado unha nova edición con éxito de público e de transaccións dos libros usados que se puxeron a disposición dos asistentes.
Os centros escolares de infantil, primaria e secundaria de Marín, organizadores do evento, estiveron presentes na cita, así como as asociacións de nais e pais (ANPAS) de todos os centros educativos.
Como en anteriores edicións, este ano na feira de libros usados os asistentes que entregan libros reciben un ticket que poden intercambiar por outras publicacións.
A actividade estivo animada con música e contacontos para os nenos e concentrou un importante número de asistentes, participantes, transaccións e nenos que se deron cita na Alameda de Marín.