Fernández Abraldes toma posesión como alcalde prometendo "traballar arreo" por Barro
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/b0d/_S7QytKoutjK3UsovKMnMzytWsi62MjKwUipKLc6sStUxMjDQKc_/_pMzyjRKckvULKuBQA=_/5d050083a1-20190615112340_img_9739.jpg)
© Concello de Barro
![](/web/cache/scene/uploads/fotos/foto/121/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d0500cc01-20190615112617_img_9746.jpg)
© Concello de Barro
![](/web/cache/scene/uploads/fotos/foto/cf8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d050105e2-20190615112635_img_9747.jpg)
© Concello de Barro
Xosé Manuel Fernández Abraldes foi elixido alcalde do Concello de Barro para os vindeiros catro anos. O BNG sumou nas pasadas eleccións dous edís máis que en 2015 acadando a maioría absoluta con seis concelleiros. O PP ten catro representantes e o PSOE quedou con José Sanmartín como único concelleiro.
Fernández Abraldes agradeceu a veciñanza de Barro a súa participación nos comicios, aos seus compañeiros do BNG que lle escolleron para exercer o cargo de alcalde e tamén "a todos os integrantes do anterior goberno, nomeadamente aos concelleiros do PSOE que nos acompañaron nesa etapa".
Sendo consciente do "gran compromiso" que representa xestionar os recursos da cidadanía o alcalde asegurou que inicia un novo mandato "cargado de responsabilidade", máis aínda polo apoio maioritario da veciñanza o pasado 26 de maio.
O alcalde dixo que "seguiremos gobernando este concello coa man tendida a toda a corporación", pero sobre todo á veciñanza á que "seguimos ofrecendo diálogo, participación e transparencia e pedíndovos que sigades implicados con nós para que entre todos poidamos conseguir un Barro mellor e un Barro do que sentirnos orgullosos".
O rexedor prometeu "seriedade e o rigor" á hora de investir os cartos, "diálogo permanente" coas demais administracións e marcou como prioridade o asentamento de empresas no concello.
Ademáis, no seu discurso, indicou que dende o goberno local "seguiremos apostando pola dinamización social e cultural de Barro en colaboración con todas as entidades sociais do concello".
Finalmente Abraldes asegurou "dedicación plena e absoluta e traballar arreo para solucionar todo aquilo que sexa posible".
Relacionadas:
-
Comeza o primeiro mandato en solitario do BNG en Barro
Por Redacción |
-
O BNG define a estrutura do goberno municipal de Barro para este novo mandato
Por Redacción |
-
Domingo de sardiñada popular na Festa do Viño de Barro
Por Redacción & Diego Torrado |
-
Maioría absoluta para o BNG en Barro á conta de rabuñar concelleiros ao PP e o PSOE
Por Redacción |