"Novo ciclo" no goberno municipal: "Estamos contentos de comezar a traballar"
Por Alejandro Espiño
O novo goberno municipal xa se puxo mans á obra. Os quince edís do BNG e do PSdeG-PSOE, tras a toma de posesión do pasado sábado, comezaron a acomodarse ás súas renovadas responsabilidades.
"Comezamos a traballar sen perder un minuto", sinalou a portavoz do goberno municipal, Anabel Gulías, que substitúe nesta responsabilidade a Raimundo González.
Ademais da reorganización interna e de espazos que debe realizar o Concello coa entrada dos catro edís socialistas, os integrantes do goberno compartiron xa a súa primeira Xunta de Goberno.
Neste órgano, segundo avanzou Gulías, estarán os nove edís do BNG -Eva Vilaverde, César Mosquera, Raimundo González, Carme da Silva, Carmen Fouces, Alberto Oubiña, Xaquín Moreda, ademais de Miguel Anxo Fernández Lores e a propia Anabel Gulías, e os concelleiros socialistas Tino Fernández e Iván Puentes.
A proposta de organización, que entre outras cuestións definirá as dedicacións exclusivas para goberno e oposición, atópase "moi avanzada", segundo a portavoz municipal, e será aprobada no pleno que se celebrará este mércores ás 11.00 horas.
Relacionadas:
-
O Concello pon o "contador a cero" para tomar decisións "necesarias" en Persoal
Por Alejandro Espiño |
-
Tino Fernández dá conta na executiva municipal dos acordos de goberno en Pontevedra
Por Redacción |
-
Harmonía e consenso nun primeiro pleno municipal de apenas quince minutos
Por Alejandro Espiño & Mónica Patxot |
-
A corporación municipal organízase para afrontar o novo mandato
Por Alejandro Espiño |
-
Pontevedra elixe, por sexta vez, a Miguel Anxo Fernández Lores como alcalde
Por Alejandro Espiño & Mónica Patxot |
-
Así será o novo goberno municipal de Pontevedra
Por Alejandro Espiño |
-
BNG e PSOE rubrican un pacto de goberno baseado na "lealdade" e no "respecto mutuo"
Por Alejandro Espiño & Mónica Patxot |