Deteñen un mozo de 18 anos na peaxe de Vilaboa con 35 gramos de hachís
![Sofía](/web/cache/scene/uploads/xornalistas/foto/e05/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5bb20eb94b-20181001-patxot-sofia-lorenzo-0551c.jpg)
Por Sofía Lorenzo
Un mozo de 18 anos foi detido, este venres, na peaxe de Vilaboa con varios anacos de haxix dispostos para a venda. Este ía en compañía de amigos cando á altura do quilómetro 137,500 da autoestrada AP-9, nun punto de verificación selectiva de vehículos, a patrulla de Seguridade Cidadá da Garda Civil ordenou a detención do automóbil.
O detido, veciño de Lugo, viaxaba nun turism BMW 308, segundo este mesmo e os seus acompañantes, en dirección á Festa do Marisquiño de Vigo. Ante as sospeitas que suscitaron os ocupantes do vehículo, os axentes procederon ao rexistro do mesmo, ademais do cacheo superficial a un dos mozos.
Neste momento, o garda localizou un vulto inusual á altura da cintura. Este resultou ser un envoltorio de plástico que contiña tres pedazos compactos de haxix, que alcanzaban os 35 gramos. O mesmo individuo cargaba tamén cunha báscula de precisión en perfecto estado e 256 euros en efectivo.
Ante os feitos, que suscitaban a sospeitar da venda como destino da substancias estupefaciente, os axentes procederon á detención do posuidor da mesma como presunto autor dun delito contra a saúde pública, por tráfico de drogas.
Finalmente, o mozo de 18 anos quedou en liberdade coa obrigación de comparecer no Xulgado de Garda de Cangas, onde se fixo entrega do haxix e os demais efectos intervidos.
Relacionadas:
-
A Policía Local de Sanxenxo realizou un total de 1.096 intervencións no mes de xullo
Por Redacción |
-
A Garda Civil incáutase de droga e roupa falsificada nun control de estrada
Por Redacción |
-
A Garda Civil denuncia a 46 persoas por tenencia e consumo de drogas durante o SonRías Baixas
Por Redacción |
-
Tráfico detectou 140 positivos en alcol e 3 en drogas na festa do Albariño
Por Redacción |