Un furtivo agride cunha saca de ameixas a un garda rural na ría de Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os gardas rurais lograron este mércores confiscar 12,18 quilos de ameixas nun areal da ría de Pontevedra. Os axentes detectaron tres furtivos que, de maneira coordinada, estaban a extraer marisco en tres puntos distintos da praia.
Un dos gardas deu o alto a un furtivo, que reaccionou proferindo insultos. A continuación, de maneira agresiva, abalanzouse sobre o gardapesca e golpeouno no corpo coa saca de ameixas que portaba.
O impacto provocou que o saco rompese e quedasen diseminadas pola area as ameixas. Os axentes recolleron o marisco e pesárono. A cantidade incautada foi de 12,18 quilos. Unha vez comprobado o peso, os gardas rurais devolveron o marisco á zona de extracción.
Segundo indican os Gardas Rurais, a medida que se achegan as datas de Nadal, increméntase o furtivismo debido á subida de prezos dos moluscos no mercado.
O colectivo de gardapescas marítimos da confraría de Pontevedra sinala que o persoal se atopa desbordado e solicita un aumento de gardapescas marítimos na confraría de Pontevedra reforzando a vixilancia no fondo da ría de Pontevedra.
Relacionadas:
-
Identifican dous furtivos reincidentes con case 20 quilos de ameixa extraída ilegalmente na praia da Ostreira
Por Redacción |
-
Localizan en Poio dous zulos con case dez quilos de ameixa xapónica
Por Redacción |
-
Interceptan unha furgoneta con 1.740 quilos de ameixas na peaxe da AP-9 en Vilaboa
Por Redacción |
-
Dous furtivos reincidentes, sorprendidos de novo en Pontevedra con 56 quilos de ameixas
Por Redacción |
-
Capturan dous mariscadores furtivos despois de perseguilos polas rúas de Combarro
Por Redacción |