A Facultade de Ciencias Sociais e da Comunicación cumple 25 anos
Por Redacción
Cúmprense 25 anos desde que a Facultade de Ciencias Sociais e da Comunicación comezou a súa andaina nas instalacións do antigo Fogar provincial da rúa Sierra.
Un cuarto de século despois o centro do campus pontevedrés rememora o camiño feito nun acto institucional que se celebrou este luns a mediodía abrindo a semana grande desta conmemoración.
Foi un acto que estivo presidido polo reitor da Universidade de Vigo, Manuel Reigosa, e no que participaron oito dos decanos cos que contou o centro nestes 25 anos Alberto Pena, Xaime Fandiño, Xulio Pardellas, Fortunato Rodríguez, Daniel Martí, Juan Manuel Corbacho, Celso Cancela e Emma Torres.
Tamén se lle impuxo a insignia da facultade ao catedrático emérito da Universidad Complutense de Madrid Enrique Bustamante.
Na súa intervención, Reigosa definiu á facultade como unha "pedra angular dentro do Campus Crea", un proxecto de especialización que fai de Pontevedra "un campus atractivo" como amosa "que haxa máis alumnos que se matriculan en primeiro que prazas dispoñibles" para estudantes de novo ingreso no conxunto dos graos.
"No futuro esperamos que se poidan incorporar tamén novas titulacións que redunden nunha maior sinerxía entre facultades", engadiu Reigosa, ao tempo que incidiu en que, antes da futura apertura das negociacións dun novo mapa de titulacións, podería comezar a traballarse "na idea dos dobres graos", un traballo "susceptible de facer", lembrou coas tres titulacións de Ciencias Sociais e da Comunicación.
Relacionadas:
-
32 votos favorables permiten a Emma Torres volver ser decana de Ciencias Sociais e da Comunicación
Por Redacción |
-
A biblioteca de Ciencias Sociais habilita aulas para evitar o colapso das fins de semana
Por Manu Otero & Cristina Saiz |
-
O grao en Deseño e Creación, pendente de avaliación técnica de Educación para implantarse o vindeiro curso
Por Redacción |
-
A Universidade 'rescata' a súa idea de construír un edificio en Tafisa para novas titulacións
Por Alejandro Espiño |