Sanxenxo recicla un 13% máis nos 9 primeiros meses de 2019
Por Oskar Viéitez
Ata o pasado mes de setembro Sanxenxo reciclou un 13% máis que o pasado ano. En total foron 1.436.513 quilos, o que supón 189.703 quilos máis.
No caso concreto dos residuos orgánicos, a redución supón un aforro na factura que paga o Concello a Sogama. A tonelada de lixo orgánico costa 70 euros que multiplicado polas 150 toneladas que se reduciron supón un aforro de 10.500 euros.
O Concello xustifica estes datos nunha "maior colaboración cidadá", pero tamén ás medidas que a concellería de medio ambiente como a reordenación completa das illas de recollida de residuos e a creación doutras novas con 5 tipos de contedores.
Ademais, nas praias, en lugar das papeleiras que sempre quedaban pequenas, colocáronse contedores verdes e amarelos, evitando que o lixo acabase no chan e fomentando tamén a reciclaxe entre os usuarios.