Sorprenden in fraganti tres novos furtivos na praia de Lourido

Sorprenden 'in fraganti' tres furtivos reincidentes na praia de Lourido

Por Redacción
Sábado 14 de Decembro, 2019 ás 07:00 do Sábado 14 de Decembro, 2019

Sorprenden in fraganti tres novos furtivos na praia de Lourido
© Policía Local de Poio

A Policía Local de Poio e os gardapescas da Confraría de Pontevedra lograron sorprender na mañá deste venres tres furtivos reincidentes que estaban a faenar de xeito ilegal na praia de Lourido.

A localización in fraganti destes tres furtivos realizouse sobre as 11.30 horas deste venres durante un novo operativo especial da Policía Local e dos gardapescas. Nesta ocasión, cando os pillaron estaban a extraer ilegalmente ameixa.

Ao observar a presencia policial, os tres furtivos tentaron fuxir correndo e, unha vez que se viron acurralados, volveron á praia para tirar a ameixa ao mar. Finalmente, foron interceptados e levaban sacos de rede con entre 3 e 4 quilos de bivalvo, que finalmente lles foron retirados.

Os tres están agora investigados por unha infracción penal, pois xa son reincidentes nesta actividade ilegal.