Case medio cento de condutores deron positivo por alcohol ou drogas en Fin de Ano
Por Redacción
Algo máis de mil probas de alcol e drogas. Ese foi o intenso traballo de control que os axentes do Subsector de Tráfico da Garda Civil de Pontevedra na rede viaria da provincia durante a noite de Fin de Ano.
No marco deste dispositivo de seguridade viaria, cuxo obxectivo era poñer fóra circulación a aqueles condutores que beberan ou consumiran alcol e/ou drogas, detectáronse 44 condutores que deron positivo nalgunha das dúas probas.
En concreto, a Garda Civil realizou 1.028 probas de detección de alcoholemia e detectáronse 32 condutores que deron resultado positivo.
Deles, 27 foron denunciados por vía administrativa e os cinco restantes por vía xudicial, por superar a taxa establecida de 0,60 mg/l., en aire espirado.
A estes controis hai que sumar as 22 probas de detección de drogas. Dos condutores sometidos ao test salival para comprobar a presenza no organismo de drogas, 12 resultaron positivas, é dicir máis do 50% do total.
A estes condutores denuncióuselles por vía administrativa, sendo as substancias máis detectadas o cannabis e a cocaína
A lei prohibe conducir con presenza de drogas no organismo do condutor, quedando excluídas as substancias baixo prescrición facultativa e cunha finalidade terapéutica.
Esta infracción catalogada como moi grave está castigada cunha sanción de 1.000 euros e a retirada de seis puntos.
Relacionadas:
-
Unha condutora bébeda sofre un accidente ao chocar cun turismo estacionado en Estribela
Por Natalia Puga |
-
Dá positivo por alcoholemia, chama a un amigo para que vaia a buscalo e non acode... por ser 28 de decembro
Por Diego Espiño |
-
Tráfico intensificará durante a próxima semana a vixilancia de consumo de alcol e drogas
Por Redacción |
-
Ten un accidente no centro de Pontevedra, foxe do lugar e atópano nunha discoteca bébedo
Por Redacción |