Os Cantos de Reis volven soar polas rúas de Pontevedra
Por Redacción
Os tradicionais Cantos de Reis volveron a soar, un ano máis, por rúas e prazas de Pontevedra. Unha vintena de nenos e nenas acompañaron aos membros da agrupación musical Os Chichisos para interpretar estes temas e cantar aos reis magos.
Acompañados de diversos instrumentos como acordeón, gaita, frautas, guitarras, tamboriis e bombos, os Cantos de Reis comezaron a soar sobre as cinco e media da tarde na praza de San José, onde se reuniu bastante público para velos.
O percorrido dos mozos cantores continuou pola rúa Oliva, a praza da Peregrina, a glorieta de Compostela, a praza da Ferrería e a praza de Curros Enríquez.
Era tradición habitual en nadal en Galicia ir cantar a por as casas. Nestes tempos, este costume cambiou e agora cántase no espazo público, grazas ao empeño dos Chichisos que, durante os últimos 19 anos, traballa por manter este patrimonio cultural.