O Concello proxecta construír un parque canino nos antigos terreos de Tafisa
Por Oskar Viéitez
A cidade de Pontevedra inaugurará este ano o seu primeiro parque canino nunha parcela duns 4.300 metros cadrados situada nos antigos terreos de Tafisa, na avenida de Bos Aires.
A concellería de Desenvolvemento Sostible e Medio Natural acaba de contratar á empresa Naturgalia a execución dun proxecto que suporá un investimento de 47.849 euros e que se traducirá na creación dun espazo de paseo e xogo para cans con diversos elementos de exercicio, un peche perimetral de malla translúcido, pavimento de xabre estabilizado, tres bancos, luminarias solares, fonte e papeleiras.
Búscase un deseño sen actuacións agresivas e o máis respectuoso posible coa contorna.
O concelleiro de Desenvolvemento Sostible, Iván Puentes, explicou que o contrato contempla o subministro e instalación de tres bancos de madeira e pés de fundición, dunha fonte adaptada para bebedoiro de animais de compañía, dunha papeleira cilíndrica e de tres luminarias solares con apagado automático.
Disporá dun elemento de salto e tres postes para ouriñar.
Segundo apunta o concelleiro de Desenvolvemento Sostible, "a actuación proposta non precisa de ningún tipo de permiso de Patrimonio, pero si hai afección sectorial no que atinxe a Costas, xa que a parcela se sitúa dentro do límite da servidume de protección e debemos contar coa autorización do órgano competente".
Relacionadas:
-
Un grupo de pais loita por un parque seguro: "no inverno iluminamos os nenos coa lanterna dos móbiles"
Por Mónica Patxot & María José Pita |
-
RADIO.- Podcans fala de despedidas tras a morte de 'Bella' durante o confinamento
Por Redacción |
-
Os 'cans escritores' de Pontevedra protagonizan unha campaña pola recollida de excrementos
Por Redacción |
-
Desinfectan os parques infantís cos mesmos protocolos que nos centros sanitarios pero sen data de apertura
Por Redacción |
-
Novo avance na rexeneración do parque de Santa Teresa de Jesús Jornet
Por Redacción |
-
Monte Porreiro, A Parda, Os Gafos e O Peirao, seguintes paradas na posta a punto de parques e xardíns
Por Redacción |
-
Parques e Xardíns prevé que as zonas verdes poidan estar como antes do confinamento no prazo de dúas semanas
Por Redacción |