Activan de novo o sistema de aparcamento de servizos en Pontevedra ante a desescalada
Por Redacción
Tras varias semanas nas que o tráfico baixou ao mínimo, cunha redución de ata un 90% segundo os informes da Policía Local, a desescalada contribuíu a que os desprazamentos en coche aumentaran. Por iso, o Concello activará de novos os estacionamentos de servizos.
Os aforadores instalados pola Policía Local xa confirmaron unha subida da afluencia acadando cifras medias do 70% do tráfico habitual en zonas como San Roque ou José Malvar e chegando ao 80% noutras como Eduardo Pondal.
Esta volta a unha certa normalidade fai que o goberno municipal considere axeitado retomar o sistema de aparcamento para primar a actividade económica na cidade.
Unha vez que abriu unha parte importante dos comercios, o Concello entende que se require o uso destas prazas de aparcamento tanto para servizos como para carga e descarga.
No momento máis crítico da pandemia, o goberno municipal permitiu o uso dos estacionamentos de servizos das inmediacións dos centros sanitarios para o persoal dos centros sanitarios.
Unha vez que a cidade vai collendo pulso e volvendo ao seu ritmo normal, o Concello volve a poñer en marcha o réxime habitual destes estacionamentos, levantando os permisos específicos outorgados en semanas pasadas.
Esta medida porase en marcha a partir do vindeiro luns 18 de maio.
Relacionadas:
-
Dous aparcamentos en Valdecorvos e A Parda sumarán 300 novas prazas á rede de bordo
Por Alejandro Espiño |
-
As inmobiliarias xa poden retomar as visitas con clientes a vivendas
Por Redacción |
-
O Concello asesora aos hostaleiros para redistribuír as terrazas e ampliar ao máximo o número de mesas
Por Redacción |
-
Como foi a 'nova normalidade' no comercio de Pontevedra?
Por María José Pita & Mónica Patxot |
-
Piden aos pontevedreses "especial prudencia" na rúa ante a desescalada
Por Alejandro Espiño |