Poio pregunta ao Sergas polo cambio de consultorio médico que afecta aos centros de Anafáns e Combarro
Por Redacción
O Concello de Poio enviará un escrito, a través da Concellería de Sanidade, ao Servizo Galego de Saúde para que achegue explicacións sobre as notificacións que o departamento dependente da Xunta de Galicia está a enviar a varios veciños do municipio, nos que se lles informa dun cambio de consultorio médico e que afecta a usuarios dos Centros de Saúde de Anafáns, na parroquia de San Salvador, e Combarro.
Segundo advirte o responsable responsable deste área a nivel municipal, o nacionalista Xosé Luís Martínez, provoca que "hai casos nos que veciños e veciñas que residen en Combarro se teñan que trasladar, a partir de agora, a San Salvador para realizar as súas consultas médicas, e viceversa. Queremos que a Administración autonómica nos aclare cales son as razóns deste cambio", indica o edil de Sanidade.
Neste sentido, o Concello teme que esta medida "xere incertidume" entre a cidadanía poiense. Ademais, Martínez amosa a súa sorpresa polo feito de que esta medida sexa adoptada pola Xunta de Galicia "cando nos atopamos en pleno estado de alarma".
Relacionadas:
-
Poio alerta do "risco de colapso" da sanidade ante a falta de médicos
Por Redacción |
-
Sanidade responde ao alcalde de Poio ante a polémica polos cambios de consultorio
Por Redacción |
-
Reclaman a Sanidade explicacións sobre os cambios de consultorio médico en Poio
Por Redacción |
-
BNG e Sergas discrepan sobre a calidade do servizo de Atención Primaria en Poio
Por Redacción |
-
Poio insta a Sanidade a que mellore o servizo e constrúa un novo centro de saúde
Por Redacción |