A APDR pregunta pola legalidade das obras que está a realizar Ence preto da estrada a Marín
Por Redacción
A Asociación pola Defensa da Ría (APDR) solicitou ao Concello de Pontevedra que abra unha investigación sobre as obras que está a levar a cabo Ence en Lourizán. O colectivo que preside Antón Masa afirma que a empresa está a realizar traballos nunha franxa de terreo situada entre as instalacións onde se realiza a depuración da fábrica e a antiga planta de decantación de sólidos, na contorna do perímetro exterior próximo á antiga estrada entre Pontevedra e Marín.
Desde a APDR queren coñecer se esas obras contan con licenza ao tratarse dunha construción de formigón armado, cunha estrutura provista de divisións interiores. A asociación teme que esta instalación destínese á circulación dalgún elemento líquido.
Tamén afirman que se están realizando movementos de terras no interior do recinto fabril. A APDR alerta de que no caso de que estas obras carezan de licenza presentarán unha denuncia ao entender que son ilegais. Mesmo sinalan que, dependendo da finalidade e alcance destas operacións, estes traballos poderíanse presentar como causa de caducidade da concesión administrativa en terreos de dominio público.
Relacionadas:
-
A Audiencia Nacional desestima un recurso da APDR no que pedía a caducidade da concesión de ENCE
Por Redacción | Creada e actualizada
-
Os traballadores de Ence defenden que traballan de forma segura e que a súa actividade é necesaria para combater o Covid-19
Por Redacción |
-
ENCE defende a súa actividade industrial na garantía da subministración de celulosa e enerxía eléctrica
Por Redacción |