Chulas de mexillóns en salsa de 'mojo' verde Pescamar
Chega unha nova entrega da serie "A cociña gourmet en conserva", da man de Conservas Pescamar. Nesta ocasión, imos preparar unha receita que funciona ben como entrante e coa que imos aproveitar todos os beneficios dun dos moluscos máis importantes das nosas Rías: o mexillón.
Os Mexillóns Pescamar son un produto natural altamente nutritivo, grazas á súa achega en ferro, fósforo, vitamina B12 e omega 3. O seu baixo contido en graxas e alta porcentaxe de proteínas, convértenos nunha perfecta alternativa ás carnes vermellas en dietas saudables e de control de peso.
Nesta ocasión, imos preparar a receita coa variedade de Pescamar de mexillón en salsa de mojo verde, que nos vai permitir reservar o prebe para presentalo xunto ás chulas e poder untalas lixeiramente.
Para preparar unhas saborosas Chulas de mexillóns en salsa de mojo verde Pescamar necesitamos os seguintes ingredientes:
- 2 latas de mexillóns en salsa de mojo verde Pescamar
- Manteiga ou margarina
- 180 g. de puré de pataca
- 2 ovos
- 1 cullerada rasa de fermento en po
- ¼ l. de aceite
- ¼ l. de auga
Preparación:
Poñemos no lume un cazo con auga e manteiga (ou margarina) e, cando estea ben quente, engadimos o puré de pataca e mesturamos ata que quede moi espeso. Reservamos un pequena cantidade de puré para usala máis tarde.
Tomamos as dúas latas de mexillóns en salsa de mojo verde Pescamar. Reservamos a salsa. Engadimos os mexillóns á masa. Mesturamos a lume lento.
A continuación, incorporamos os ovos, un a un, e o fermento. Deixamos repousar 2 minutos.
Poñemos o aceite para quentar e fritimos en porcións arredondadas.
Nunha manga pasteleira, engadimos o puré restante e decoramos con el un prato, sobre o que se situarán as chulas. Poñeremos nun cunco a salsa de mojo verde das latas que reservaramos para que sirva como acompañamento e poder untar con ela lixeiramente as chulas.
En quince días, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.
Relacionadas:
-
Montaña de arroz con luras en salsa americana Pescamar
Por Noticia patrocinada |
-
Pementos asados con recheo de bonito do norte Pescamar
Por Noticia patrocinada |
-
Pilaf de trigo bulgur e bonito do norte Pescamar
Por Noticia patrocinada |
-
Empanadillas fritas con tentáculos de cefalópodos ao allo Pescamar
Por Noticia patrocinada |
-
'Quesadillas' mexicanas con bonito do norte Pescamar
Por Noticia patrocinada |
-
Suxi con bonito do norte Pescamar
Por Noticia patrocinada |
-
Shakshuka con filetes de xarda Pescamar
Por Noticia patrocinada |
-
Xoubas Pescamar con aceite de brasa, pementos de Padrón e pan de millo
Por Noticia patrocinada |