Crema de mexillóns gourmet Pescamar con tacos de peixe
![](/web/cache/scene/uploads/fotos/foto/142/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5cd5715dad-foto-receta-mexillon-con-marco.jpg)
© FROM
![](/web/cache/scene/uploads/fotos/foto/01b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d0b777397-mexillon-gourmet-pescamar.jpg)
© Conservas Pescamar
![](/web/cache/scene/uploads/fotos/foto/cf3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/57e3a7b9c9-mejillon-pescamar.jpg)
© Conservas Pescamar
Chega unha nova entrega da serie "A cociña gourmet en conserva", da man de Conservas Pescamar. Nesta ocasión, imos cociñar unha crema de mexillóns que é indicada para entrante ou como prato principal, se desexamos un menú lixeiro.
Os Mexillóns Pescamar son altamentes nutritivos, grazas á súa achega en ferro, fósforo, vitamina B12 e omega 3. O seu baixo contido en graxas e alta porcentaxe de proteínas, convértenos nunha perfecta alternativa ás carnes vermellas en dietas saudables e de control de peso.
Esta receita ofrécenola o FROM, o organismo do Ministerio de Agricultura e Pesca encargado de regular o mercado dos produtos do mar. A través da súa páxina web, tamén nos lembra que "todas as elaboracións de peixe enlatado son moi aconsellables desde o punto de vista nutritivo".
Para preparar unha deliciosa Crema de mexillóns gourmet Pescamar con tacos de peixe, necesitamos os seguintes ingredientes:
- 2 latas de Mexillóns gourmet de Conservas Pescamar
- 500 g de peixe espada cortado en tacos
- 1 feixe de allos tenros
- 1 feixe de porros
- 1 kg de patacas
- nata líquida
- 1 pemento vermello
- 1 rama de fiúncho
- pementa branca e sal
- caldo de peixe
- 2 dl de leite
- 150 g de manteiga
- aceite de oliva
Elaboración:
Refogamos en manteiga todos os ingredientes agás os mexillóns e o peixe espada. A continuación, vertemos o caldo de peixe e deixamos fervendo 20 minutos.
Transcorrido este tempo, pasamos o contido da cazola polo coadoiro chinés, levámolo de novo a ebulición e engadimos un pouco de sal e pementa. Suavizamos a mestura con nata.
Paralelamente, pasamos pola prancha ben quente e cun chisco de aceite os tacos de peixe espada.
Presentamos a crema nun prato sopeiro ou en cuncas de consomé. Colocamos enriba os mexillóns gourmet Pescamar, previamente escoados do líquido da lata, os tacos de peixe espada e unha ramiña de fiúncho.
En quince días, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.
Relacionadas:
-
'Fideuá' con luras e berberechos Pescamar
Por Noticia patrocinada |
-
'Quesadillas' mexicanas con bonito do norte Pescamar
Por Noticia patrocinada |
-
Suxi con bonito do norte Pescamar
Por Noticia patrocinada |
-
Arroz frito ao estilo tailandés con mexillóns gourmet Pescamar
Por Noticia patrocinada |
-
Paquetiños de cabaciña con ventrecha Pescamar
Por Noticia patrocinada |