Mergulladores traballan en Beiramar para evitar que a auga do mar chegue á depuradora dos Praceres
Por Alejandro Espiño
A galería de servizos de Beiramar, pola que pasan as redes de saneamento cara a depuradora dos Praceres, volve a estar en obras. Desta volta para acabar co problema das filtracións e evitar que a auga do mar chegue ás instalacións da EDAR desde Pontevedra.
Nesta actuación, que xa está en marcha por parte da compañía Viaqua, responsable do contrato do ciclo da auga, investiranse 196.594 euros. As obras durarán tres meses.
A portavoz do goberno municipal, Carme da Silva, explicou que estas obras suporán elevar os quince colectores existentes ata a rasante da calzada.
Así, se hai algún problema de atasco, os pozos serán accesibles con máis facilidade como en calquera outro punto da cidade.
Deste xeito, as tapas dos colectores quedarán ao nivel da calzada pola que discorre a galería de servizos, o que impide que entre auga no interior e fai máis doado calquera tipo de traballo desde o exterior, sen necesidade de descender á galería de servizos.
Na actualidade, esta actuación, que están realizando mergulladores especializados, xa se rematou en catro dos quince colectores.
Esta mellora permitirá que non se produzan filtracións de auga polas subidas da marea e facilitar os traballos e a entrada de maquinaria cando haxa que desatascar os colectores.
Relacionadas:
-
Pontevedra ten en execución obras de saneamento e abastecemento por 41 millóns de euros
Por Alejandro Espiño |
-
Centos de peixes morren no río Gafos debido á vertedura causada pola obstrución dun sumidoiro
Por Anxo Lourido |
-
As filtracións no depósito máis grande da estación de auga de Pontevedra obrigan a reparalo a partir de setembro
Por Mónica Patxot & Anxo Lourido |
-
Así vixían na ETAP de Lérez que a auga potable chegue ás vivendas durante este estado de alarma
Por Redacción |
-
Outra fuga de auga na tubaxe que abastece a Marín
Por Diego Torrado & Oskar Viéitez |