Defensa oferta 3.500 prazas para alistarse nas Forzas Armadas como militar de tropa e mariñeiría
Por Redacción
O Ministerio de Defensa convoca un segundo ciclo de selección para o ingreso como militar na escala de tropa e mariñeiría das Forzas Armadas. Esta nova convocatoria, de 3.500 prazas, ofértanse 2.375 prazas para o Exército de Terra, 525 para a Armada e 600 para o Exército do Aire.
Do total de vacantes dispoñibles, en Galicia e zonas próximas do Exército de Terra para as unidades da Brigada de Infantería Ligueira Galicia VII ( Brilat) ofértanse 79 postos para a base de Figueirido e 55 para a asturiana de Siero. A Armada convoca 108 prazas para buques e unidades da zona norte (Ferrol, Tui, Marín, San Sebastián, Bilbao). Mentres que o Exército do Aire convoca 18 prazas das cales 2 son para o Aeródromo Militar de Santiago e 16 para a Academia Básica do Aire en Valverde de la Virgen (León).
O sistema de selección que xa está aberto na área de recrutamento da Subdelegación de Defensa de Pontevedra é o de concurso oposición. Os requisitos para poder presentarse ao exame pasan por cumprir os 18 anos e non superar os 29, carecer de antecedentes penais e non ter aberto ningún procedemento xudicial por delito doloso, ademais de estar en posesión de, como mínimo, o título de graduado en Educación Secundaria Obrigatoria.
Para participar no proceso selectivo é necesario solicitar cita previa entre o 1 e o 14 de setembro, unha solicitude que pode realizarse de forma presencial ou por correo electrónico.
Relacionadas:
-
Defensa recruta en Pontevedra a 74 aspirantes a Tropa e Mariñeiría Profesional
Por Redacción |
-
O Exército incorpórase ao dispositivo de vixiancia do monte e a Xunta asegura que serán "implacables" cos incendiarios
Por Oskar Viéitez |
-
27 patrullas militares participarán na Operación Centinela Gallego a partir do 15 de agosto
Por Redacción |
-
Defensa recruta a 44 pontevedreses aspirantes a Tropa e Mariñeiría Profesional
Por Oskar Viéitez |
-
Defensa estima que tardará dous anos en abrir os espazos militares en Campolongo e Mollavao
Por Alejandro Espiño |
-
Un buque da Armada actualizará a cartografía náutica das Rías Baixas
Por Redacción |