Calacús e lápidas nos xardíns da Ferrería e a Praza de España lembran que estamos no Samaín
Por Redacción
Coincidindo co Samaín, os xardíns das prazas de España e A Ferrería mudaron este xoves os buxos de cores coa bandeira LGTBI que exhibían ata a data por un decorado de Samaín, cos tradicionais calacús, ourizos de castaña, lápidas de pedra, teas de araña, pacas de palla, corvos e outros seres do máis aló.
Esta decoración está enmarcada dentro do proxecto da Concellería de Desenvolvemento Sostible e Medio Natural 'Xardíns que falan', que busca converter os espazos verdes de Pontevedra en elementos vivos, dinámicos, temáticos e con mensaxe.
O tenente de alcalde, Tino Fernández; a concelleira de Promoción Económica e Turismo, Yoya Blanco, e o concelleiro de Benestar Social, Marcos Rey, acudiron a velo, comentando o primeiro que "se a bandeira LGTBI xa tivo moitísimo éxito, con pontevedreses e visitantes sacándose fotografías case todos os días, o resultado deste decorado é tan abraiante que vai despertar sen dúbida as paixóns dos amantes dunha festa tan nosa como o Samaín".
Iván Puentes avanzou que "os xardíns da cidade seguirán 'expresándose', 'falando', en distintas festividades e causas sociais", proxectando unha intervención "máis chamativa que a deste ano para as conmemoracións LGTBI".
As cabazas retiraranse a vindeira semana.
Relacionadas:
-
O Samaín vivirase por todo o alto no mercado de abastos e A Ferrería
Por Redacción |
-
Os xardíns de Pontevedra alzan a voz pola diversidade para celebrar o Orgullo
Por Redacción |
-
Volven os 'Xardíns que Falan' cunha chamada á vacinación
Por Redacción |
-
Pontevedra encherase de plumas e flores coa bandeira do Orgullo LGTBIQ+ para dicir "non á plumofobia"
Por Natalia Puga & Mónica Patxot |
-
Un banco con 'Orgullo' no exterior da Deputación
Por Redacción |