A Garda Civil activa unha unidade con 130 axentes para velar pola seguridade de La Vuelta Ciclista en Pontevedra
Por Redacción
Con motivo da celebración da 75 edición de La Vuelta Ciclista España, a Garda Civil de Pontevedra volveu a crear a Unidade de Movilidad e Seguridade Viaria, integrada por un total de 130 efectivos para velar pola seguridade da competición deportiva durante todo o seu percorrido.
Esta unidade está composta por persoal da Agrupación de Tráfico, da Agrupación de Reserva e Seguridade (ARS), do Servizo Aéreo, Servizo de Transmisións e de Automobilismo e ten como labor fundamental proporcionar seguridade e mobilidade aos corredores da Volta, vehículos de organización, apoio e caravana publicitaria, así como garantir a seguridade viaria ao resto de usuarios afectados polo desenvolvemento do evento.
Para levar a cabo este labor, a Unidade Móbil de Seguridade Viaria despraza durante todo o percorrido 1 helicóptero, 60 motocicletas, 13 vehículos todo Terreo, 4 monovolume, 1 furgón taller, 4 furgóns, 2 autobuses, 1 camión cisterna e 1 turismo.
A Comandancia de Pontevedra mobilizará 113 efectivos e 69 vehículos das especialidades de Seguridade Cidadá, Subsector de Tráfico e a Unidade de Seguridade Cidadá da Comandancia (USECIC).
Despregarán o seu traballo o mércores 4 e o xoves 5 de novembro co paso de La Vuelta pola provincia. A 14 etapa que sairá desde Lugo e terminará en Ourense, pasando pola Golada, Lalín e Rodeiro. A 15 etapa que sairá desde Mos finalizando en Poboa de Sanabria (Zamora), pasando por Mos, Porriño, Ponteareas, As Neves, Arbo e Crecente.