Prosagap, Co.Bas e CESM preparan unha concentración na Praza de España para pedir o cese da xerencia
Por Redacción
Novo acto de protesta na mañá deste martes 24 de novembro na rotonda de acceso ao Hospital Montecelo. Nesta ocasión, os sindicatos da área sanitaria Prosagap, Co.Bas e CESM volvían concentrarse con pancartas para reclamar a destitución do equipo directivo do Complexo Hospitalario Universitario de Pontevedra.
Insisten en que o persoal dos centros sanitarios de Pontevedra continúan coas mesmas demandas. Solicitan máis seguridade para facer fronte á covid con garantías e demandan máscaras FFP2 para todo o persoal ante o recoñecemento de que a transmisión se produce principalmente en espazos pechados. Piden, entre outras medidas, control de acceso aos centros hospitalarios para evitar contagios e cambiar a política de contratación de persoal para evitar a precariedade.
Lamentan que desde a xerencia da área sanitaria siga sen haber un ofrecemento de diálogo e ante a situación este mércores en rolda de prensa anunciarán a convocatoria dunha nova concentración o venres 27 na Praza de España a partir das 19.00 horas aberta á participación da cidadanía.
Relacionadas:
-
Chamamento a favor da Sanidade Pública: "a pandemia está a sacarse grazas á pública"
Por María José Pita & Mónica Patxot |
-
Lucerío para seguir reclamando o cesamento da xerencia da área Sanitaria e unha adecuada protección do persoal
Por Marisa Ciordia |
-
Concentración con lanternas para "iluminar" aos xestores da Sanidade Pública
Por Oskar Viéitez & Mónica Patxot |
-
Dúas concentracións de representantes sindicais sanitarios cun obxectivo: a marcha da xerencia do Complexo Hospitalario
Por Redacción |
-
Continúan as protestas reclamando o cesamento da xerencia do Complexo Hospitalario de Pontevedra
Por Redacción |
-
Sindicatos denuncian o día a día do persoal sanitario: percorrer o hospital coa mesma máscara cirúrxica de 8 a 15
Por Natalia Puga & Mónica Patxot |