A araucaria de 30 metros da Alameda volve iluminar o Nadal pontevedrés como hai tres décadas
Por Mónica Patxot & Redacción
A araucaria heterophylla é unha árbore monumental de preto de 30 metros de altura, que preside a entrada á Alameda de Pontevedra e distínguese por ser a especia arbórea máis alta das que se atopan neste recinto central da cidade.
Este martes instalábase a iluminación de Nadal nesta araucaria tal e como estaba previsto dentro do contrato sobre os adornos lumínicos previstos para estas festas do Nadal. Desta forma recupérase unha imaxe que acompañaba á cidade nestas datas hai 30 anos.
Para a instalación da iluminación foi necesaria a intervención dos bombeiros do Parque de Pontevedra que, cun dos seus dous camións guindastre dotados dun brazo que alcanza os 40 metros de altura, lograron adornar a copa cunha tira led branca e fría, que non causa dano ás árbores.
Os bombeiros estiveron acompañados de catro operarios da empresa Progesa, adxudicataria da iluminación de Nadal neste 2020. Ata a Alameda tamén se desprazaban as concelleiras Carme da Silva, responsable de Festas e Eva Vilaverde, delegada dos Bombeiros. Da Silva destacou a incorporación da araucaria á iluminación deste ano "porque queremos un Nadal vivo". Ambas agradeceron a colaboración dos bombeiros nesta actividade.
Relacionadas:
-
O Concello estuda as árbores da Alameda para evitar derrubas repentinas
Por Redacción |
-
As luces festivas xa iluminan Pontevedra porque hai máis motivos que nunca para celebrar o Nadal
Por Mónica Patxot & Redacción |
-
Pontevedra terá un "poboado de Nadal" na Ferrería cun mercado típico de Nadal
Por Alejandro Espiño |
-
Pontevedra encenderá a iluminación de Nadal o próximo venres 4 de decembro
Por Alejandro Espiño |
-
Zona Monumental prepara unha nova campaña para dinamizar o comercio no centro histórico en Nadal
Por Redacción |
-
Un aplauso para a estrela da árbore de Nadal da Ferrería, que achega un pouco máis as festas
Por Redacción & Cristina Saiz |