Pontevedra súmase ao "bloqueo" a Amazon e pide mercar no comercio local
Por Alejandro Espiño
Desde hai semanas son xa moitos os concellos que pediron aos seus cidadáns que, especialmente para a campaña do Nadal, fagan as súas compras no comercio local e renuncien a plataformas como Amazon. A esta corrente sumouse Pontevedra.
Así o afirmou a concelleira de Festas, Carme Da Silva, durante a presentación da programación que o Concello preparou para este nadal tan atípico.
Da Silva pediu expresamente aos pontevedreses "non mercar en Amazon" para contribuír a que os comerciantes da cidade poidan facer fronte á crise económica que xerou a pandemia da covid-19.
"Queremos que os nenos disfruten dos agasallos que con tanto agarimo fai chegar o comercio local a Papá Noel, ao Apalpador e aos Reis Magos", destacou a edil do BNG.
As rúas das cidades, defendeu, "morrerán" sen o comercio de proximidade.
Relacionadas:
-
Correos 'alíase' coas librarías de Pontevedra para facer fronte a Amazon
Por Redacción |
-
VIDEO.- Gravan unha campaña para animar os pontevedreses a comprar no comercio local
Por Alejandro Espiño |
-
As luces festivas xa iluminan Pontevedra porque hai máis motivos que nunca para celebrar o Nadal
Por Mónica Patxot & Redacción |
-
Pontevedra terá un "poboado de Nadal" na Ferrería cun mercado típico de Nadal
Por Alejandro Espiño |