Batería de accións de mantemento no rural pontevedrés antes de final de ano
Por Redacción
A concellería do Rural traballa a pleno rendemento durante o mes de decembro.
Segundo avanzaron desde o departamento xestionado polos edís Alberto Oubiña e Pilar Comesaña, este mes entrou en funcionamento o novo contrato de mantemento dos espazos públicos no rural, un contrato que supera o millón de euros e que se suma a distintas obras de diversa envergadura en nove parroquias que se achegan aos 400.000 euros.
Aplicando a parte proporcional deste ano do contrato de mantemento de espazos xunto ao custo das obras que se executarán en decembro estase habilitando, aseguran, un investimento de 754.866,57 euros.
Neste momento execútanse traballos en todas as parroquias como bacheos en Lourizán ou como os espazos que se crearon para o sostemento de contedores no lugar de Acevedo, en Ponte Sampaio. Son labores atribuídos ao contrato: bacheos, reparacións de pavimentos, sinalizacións horizontais e verticais, pintados, balizamentos, rozas, limpezas, retirada de entullos caídos ás vías municipais ou melloras na rede de augas pluviais, entre outras actuacións.
Paralelamente puxéronse en marcha obras de maior envergadura en nove parroquias, con traballos de pavimentación, saneamento, recollidas de pluviais ou seguridade viaria en Ponte Sampaio, Lérez, Alba, Campañó, Marcón, Tomeza, Salcedo, Lourizán e Mourente.
Relacionadas:
-
Lembran á veciñanza do rural que solicite a conexión ás redes de saneamento e abastecemento antes de pavimentar as vías
Por Anxo Lourido |
-
Continúan as obras de mantemento nas parroquias do rural pontevedrés
Por Redacción |
-
Pontevedra ten en execución obras de saneamento e abastecemento por 41 millóns de euros
Por Alejandro Espiño |