Nova vítima da covid-19 no Hospital Montecelo usuaria da residencia Soremay
Por Redacción
Un home, de 91 anos, falecía nas últimas horas no Hospital Montecelo do Complexo Hospitalario Universitario de Pontevedra vítima da covid-19, segundo os falecementos notificados este luns pola Consellería de Sanidade. O home era un dos usuarios da Residencia Soremay, que segue sumando fallecimentos despois do brote aparecido durante a semana pasada entre persoal e residentes.
Con esta nova morte, a área sanitaria de Pontevedra-O Salnés suma xa 71 vítimas mortais desde o inicio da pandemia. E continúan producíndose mortas de maneira continuada nos hospitais de Pontevedra durante a última semana, fóra deste domingo.
A Consellería de Sanidade notificou a perda de sete persoas diagnosticadas por coronavirus durante esta xornada. Ademais do caso de Pontevedra, faleceron un home de 77 anos, no Complexo Hospitalario de Ourense; unha muller de 82 anos no Álvaro Cunqueiro de Vigo; un home de 69 e outro de 82 no Complexo Hospitalario da Coruña; un home de 80 anos no Complexo Hospitalario de Santiago e outro home, de 79 anos de edad no Hospital Universitario Lucus Augusti de Lugo.
Todos estes pacientes tiñan un historial clínico no que figuraban outras enfermidades. Con estas sete mortes, o número de falecidos en Galicia ascende a 1.319 persoas desde que comezaron a ofrecerse datos sobre esta enfermidade nos hospitais galegos.
Relacionadas:
-
Descende o número de infeccións na Residencia Soremay
Por Redacción & Cristina Saiz |
-
Falece unha muller de 94 anos por covid no Complexo Hospitalario de Pontevedra procedente da residencia Soremay
Por Redacción |
-
8 pacientes de coronavirus permanecen na UCI de Montecelo
Por Oskar Viéitez |
-
Outro residente de Soremay falece por coronavirus no Hospital Montecelo
Por Redacción |
-
Un home de 60 anos, novena vítima mortal da covid nos últimos cinco días en Pontevedra
Por Redacción |
-
Dúas mulleres, procedentes da residencia Soremay, falecen nas últimas horas en Pontevedra por covid-19
Por Redacción |