O coronel Miguel Constantino Cortés Calvo toma posesión como delegado de Defensa en Pontevedra
Por Redacción
O coronel Miguel Constantino Cortés Calvo é desde este venres 18, o novo subdelegado de Defensa en Pontevedra, unha vez que tomaba posesión das súas novas responsabilidades militares. O acto estivo presidido polo subdirector xeral de Administración Periférica, o coronel Jesús Ángel García Lidón e contou a presenza de autoridades civís e militares da provincia.
Cortés Calvo exercía as súas últimas responsabilidades na Base General Morillo como xefe da Unidade de Servizos. É natural de Madrid e ten 54 anos. Ingresou na Academia Xeral Militar en 1984, recibiu o Real Despacho de Tenente de Artillería en 1989 e pertence á XLIV Promoción da Academia Xeral Militar.
Durante a súa traxectoria militar estivo destinado entre 1989 e 1991 no Grupo de Artillería da Brigada de Infantería Lixeira Aerotransportable; entre 1991 e 1992 no Rexemento de Artillería de Campaña número 11; entre 1992 e 2000 no Centro Xeográfico do Exército; entre 2000 e 2002 no Rexemento de Infantería “Inmemorial do Rey”; de 2002 ao 2005 no Centro Xeográfico do Exército; posteriormente e ata 2013 no Cuartel Xeral OTAN de Madrid; entre 2013 e 2018 no Centro de Intelixencia das FAS e en 2018 regresaba de novo á base militar pontevedresa.
Na súa formación académica civil é Máster Universitario en Enxeñería Geodésica e Cartografía e Técnico Superior en Prevención de Riscos Laborais. Tomou parte en diversas misións internacionais con destinos como a Antártida, Afganistán ou Bosnia- Herzegovina. Tamén conta con medallas e recompensas como a Placa, Encomenda e Cruz da Real e Militar Orde de San Hermenegildo; tres Cruces ao Mérito Militar con Distintivo Blanco; e dúas Medallas OTAN.
Relacionadas:
-
Primeira visita institucional do novo subdelegado de Defensa á Subdelegación do Goberno
Por Mónica Patxot |
-
A Brilat conmemora a Inmaculada Concepción con distanciamento e máscaras sanitarias
Por Redacción |
-
Defensa prevé construír unha escola infantil en Pontevedra
Por Redacción |
-
A OTAN recoñece á Brilat como unidade de referencia no tratamento de feridos en combate
Por Oskar Viéitez |