Lores agradece o xesto de Paula Dapena "en nome de todos os pontevedreses"
Por Oskar Viéitez & Mónica Patxot
O alcalde de Pontevedra, Miguel Anxo Fernández Lores agradeceu á futbolista Paula Dapena "en nome dos pontevedreses" a súa decisión de non participar na homenaxe a Maradona por maltratador.
Lembremos que Paula Dapena (24 anos), mediocentro do Viaxes InterRías da Primeira Nacional, nun partido amigable diante do Deportivo Abanca disputado o pasado 29 de novembro, decidiu sentar no chan de costas como protesta á homenaxe que se ía a tributar a Diego Maradona cun minuto de silencio.
O seu xesto deu a volta ao mundo e hoxe o alcalde da súa cidade quixo facer un recoñecemento público en nome da cidadanía da Boa Vila por ter ese xesto de "gran transcendencia". Foi nunha recepción que tivo lugar este luns no concello de Pontevedra e no que tamén participou a concelleira Carme Fouces.
"As sociedades avanzan cando a xente toma decisións, ou se producen feitos destacables", comentou Fernández Lores. "Estamos moi satisfeitos", engadiu o rexedor ao darlle o "parabéns por esa decisión que espero que teña repercusión positiva para ela, para o seu propio club e o deporte feminino en xeral".
Pasado un mes daquel partido e diante da inesperada envergadura da súa iniciativa, Paula Dapena alégrase de que o seu xesto poida crear "un pouquiño de conciencia na sociedade e avanzar un pouquiño máis na igualdade".
A día de hoxe a polémica xerada nas redes sociais xa se acougou pero a súa camiseta co dorsal número 6 segue sendo todo un reclamo e agora Lores xa ten a súa.
Relacionadas:
-
Paula Dapena, premiada polo seu activismo feminista: "Homes autoidentificados mulleres están a quitarnos os lugares seguros"
Por Natalia Puga |
-
O Concello compra 100 camisetas co nome de Paula Dapena para regalar a escolares
Por Redacción & Mónica Patxot |
-
Paula Dapena: "Volvería repetir ese xesto unha e outra vez"
Por Manu Otero |
-
Messi, sobre Paula Dapena e Maradona: "Cada uno es libre de opinar y hacer lo que quiera"
Por Alejandro Espiño |
-
Paula Dapena, "orgullosa" de ter "a oportunidade de dar voz a moitas" co seu xesto feminista sobre Maradona
Por Natalia Puga & Mónica Patxot |
-
"Paula, te apoyo porque eres valiente"
Por Natalia Puga |