Rexistrado un terremoto de magnitude 3 fronte ao Grove
Por Redacción
A últimas horas da tarde deste venres 22, as persoas residentes na comarca do Salnés atopábanse a unha distancia de arredor de 30 quilómetros do epicentro dun terremoto de magnitude 3.0 mbLg, segundo os datos que ofrece o Instituto Xeográfico Nacional (IGN).
Este movemento sísmico producíase no mar, no océano Atlántico, fronte ao litoral das Rías Baixas, na localización 42.4168,-9.3484 ás 20.35.11 horas. Segundo o IGN, localizouse a un quilómetro de profundidade.
A intensidade foi baixa e o tremor pasou practicamente desapercibido entre a poboación do Grove e A Illa de Arousa, municipios da zona que se atopan máis próximos ao lugar do epicentro.
O IGN solicita a aquelas persoas que o detectaran que enchan un cuestionario na súa páxina web para obter máis datos sobre este movemento. No caso de que se rexistre un terremoto, as recomendacións das autoridades sempre se centran en adoptar unha actitude de calma, agacharse, cubrirse e agarrarse a algún elemento afastándose de xanelas ou materiais que se poidan romper ou desprender.
Relacionadas:
-
RADIO.- 2021 será un ano excepcional en canto a sismicidade en España, xa superou os 18.000 terremotos
Por Marisa Ciordia |
-
Rexistrados dous pequenos terremotos en Ponte Caldelas
Por Redacción |
-
Un movemento sísmico de 3,9 graos en Laza durante a noite fai tremer varios puntos das Rías Baixas
Por Redacción |