8M | A Xunta defende en Pontevedra o seu compromiso "irrenunciable" coa igualdade
Por Redacción
Cargos públicos e funcionarios da Xunta de Galicia participaron este luns na concentración que, con motivo do 8 de marzo, Día Internacional da Muller, celebrouse ás portas da delegación administrativa que o goberno galego ten en Campolongo.
No marco deste acto, o delegado territorial, Luis López, a secretaria territorial, Marta Iglesias, e a xefa territorial de Sanidade, Natalia Botana, deron lectura a unha declaración institucional na que reafirmaron o seu "compromiso inquebrantable e irrenunciable" coa igualdade.
O manifesto incluíu, entre outras cuestións, unha relación das desigualdades que seguen a sufrir as mulleres en distintos eidos da vida, o papel "crucial" das mulleres no marco da crise sanitaria da covid-19 ou as fendas salariais e as discriminacións que padecen no ámbito laboral.
Todo isto, engadiron , deriva en problemas de conciliación e corresponsabilidade. Ademais, tamén reclamaron a "erradicación inmediata" da lacra da violencia machista.
"Moito temos avanzado en pro da igualdade pero tamén é ben certo que por desgraza aínda queda moito por conseguir para gozar dunha sociedade en igualdade na que as mulleres ocupen o papel que lle corresponde", destacou o delegado territorial.
O enfoque de xénero, subliñou Luis López, "é un dos piares" das políticas e das accións que está a desenvolver a Xunta de Galicia para acadar unha sociedade "igualitaria e sen discriminacións", ao entender que "está clarísimo que sen mulleres non hai Galicia".
Ademais, o delegado territorial reclamou a implicación e colaboración decidida de todos os cidadáns, organizacións e institucións para conseguir a igualdade "real e efectiva", superar os estereotipos de xénero, corrixir a desigual distribución dos roles na sociedade e eliminar os obstáculos que impiden ás mulleres conseguir o pleno desenvolvemento profesional e persoal.
Relacionadas:
-
8M | Colexios da comarca conmemoran o Día Internacional da Muller
Por Redacción |
-
8M | As columnas feministas percorren Vilaboa por máis dereitos para as coidadoras
Por Redacción |
-
8M | Un camelio nos Baños de San Xusto para lembrar a todas as mulleres galegas
Por Redacción |
-
8M | O feminismo está "farto" e non hai pandemia que o pare
Por Manu Otero & Cristina Saiz |
-
8M | Poio reivindica "seguir dando pasos" para eliminar a "fenda de xénero"
Por Redacción |
-
8M | Carmela Silva: "O feminismo é inquebrantable e non imos dar nin un paso atrás"
Por Redacción |
-
8M | A Subdelegación do Goberno homenaxea cun vídeo ás mulleres en primeira liña da pandemia
Por María José Pita |
-
A pandemia non silenciará o 8M na comarca de Pontevedra
Por Alejandro Espiño |