O Concello de Pontevedra activa a Oficina Supera a partires da vindeira semana
Por Oskar Viéitez & Mónica Patxot
A oficina municipal Supera, situada na rúa Dona Tareixa, volve activarse a partires do luns para ofrecer información e asesoramento de cara as liñas de axudas que se vaian activando no marco do Plan Supera 21.
A concelleira de Réxime Interior, Anabel Gulías, realizou unha visita este venres ás instalacións e anunciou que a partires do luns xa comezará a operar, nun primeiro momento, atendendo á convocatoria da liña de subvención de ordenadores, para o que seguirá activa a liña telefónica 681 26 48 35.
A partires do luns activaranse máis liñas de teléfono e tamén o sistema de cita previa.
Anabel Gulías tamén avanzou que se implementarán novos recursos de cara a "axilizar as xestión e que os procesos sexan máis rápidos e eficientes" e evitanto determinados trámites intermedios ás persoas solicitantes. Así, explicou que, dunha banda, se instalará un rexistro propio para a oficina Supera, o que evitará que as persoas solicitantes teñan que ir ao Rexistro Xeral do Concello.
Doutra banda, tamén se está traballando para habilitar a 'plataforma de intermediación de datos' que permitirá cruzar datos con plataformas das Administracións estatais e autonómicas sen necesidade de que sexa a cidadanía quen o faga.
Anabel Gulías indicou durante a visita que "a reactivación desta oficina, que xa xestionara as axudas do Supera20, vai permitir seguir reforzando o compromiso que ten o Concello coa sociedade pontevedresa para saír adiante todos e todas xuntas destas circunstancia".
Neste sentido, asegurou que "se vén por diante moito traballo e moi intenso" co obxecto de acadar unha xestión "o máis eficaz e eficientemente posible e como sempre ofrecer saída da crise co Plan Supera que suma máis de 100 millóns de euros en diferentes liñas de axudas e diferentes investimentos públicos".
Relacionadas:
-
O prazo de solicitude das axudas do Plan Supera comeza o 2 de setembro
Por Redacción |
-
As axudas municipais para comprar ordenadores reciben 256 solicitudes en só catro días
Por Redacción |
-
As axudas Supera 21 admitirán PEMES e financiarán gastos de material por envío a domicilio
Por Redacción |
-
Pistoletazo de saída para a solicitude das axudas do Concello para comprar computadores
Por Oskar Viéitez |
-
Comeza o reparto de folletos informativos nos centros educativos sobre as axudas para mercar ordenadores
Por Redacción |
-
A liquidación do orzamento de 2020 permitirá incrementar os investimentos do Concello a 44 millóns de euros
Por Redacción |
-
Pontevedra adiará o pago da auga e a viñeta a aqueles cidadáns que o soliciten
Por María José Pita |
-
Simplifican os criterios para acceder ás axudas para ordenadores coa intención de que se beneficien máis familias
Por Redacción |
-
Ata 240 familias interesáronse xa polas axudas municipais para a compra de computadores
Por Redacción |