A Carabuxeira reabre tras completarse a primeira fase de rexeneración
Por Redacción
Despois de varios meses de traballo e ás portas do verán, a praia da Carabuxeira reabriu este venres unha vez completada a primeira fase do proxecto de rexeneración do areal.
A area depositada permitiu recuperar o perfil da praia urbana protexendo á súa vez os muros das vivendas próximas.
Ademais colocáronse unha serie de tubos xeotéxtiles coa intención de que actúen como dique para impedir a perda de area no futuro.
Nas últimas semanas os traballos centráronse o distribuír con pas escavadoras a area que fora extraída mediante unha draga.
Trátase de todos os xeitos da primeira fase da actuación prevista, xa que no proxecto definitivo súmanse outros 14.000 metros cúbicos de area e inclúese un paseo marítimo de 360 metros entre Panadeira, Lavapanos e A Carabuxeira que permitirá o tránsito peonil.
Tras esta actuación Lavapanos será o próximo areal no que o Concello prevé actuar antes do verán que vén cunha achega de area, sempre que se valide o informe de compatibilidade de estratexias mariñas que se está tramitando e que Costas dea a súa autorización.
Relacionadas:
-
VÍDEO.- O Concello de Sanxenxo mostra o cambio da praia da Carabuxeira en doce meses
Por Redacción |
-
ADEGA oponse ao novo dique que o porto deportivo de Sanxenxo quere construír fronte á Carabuxeira
Por Redacción |
-
Unha rexenerada Carabuxeira recibirá os seus primeiros bañistas o 18 de xuño
Por Redacción |
-
Instalan o primeiro tubo xeotéxtil para conter a area na praia da Carabuxeira
Por Redacción |
-
Avanza a recuperación da praia da Carabuxeira coa extracción de 4.000 metros cúbicos de area
Por Redacción |
-
A Carabuxeira volverá ser unha praia coa recuperación da súa area
Por Oskar Viéitez |