Achega de 25.000 euros da Xunta para a contratación dun técnico de orientación laboral en Cuntis e Caldas
Por Redacción
A Consellería de Economía, Emprego e Industria, que dirixe o conselleiro Francisco Conde, anunciou ao Concello de Cuntis a concesión dunha axuda económica de 25.000 euros para que se contrate a persoal técnico de orientación laboral durante doce meses.
Este servizo terá a súa sede no Centro de Formación Ocupacional da Ran no municipio de Cuntis, desde onde se coordinará a actividade tanto para este Concello como para o de Caldas de Reis.
O alcalde de Cuntis, Manuel Campos, móstrase satisfeito por esta concesión e sinala que a xestión demostra o interese do grupo de goberno por manter un servizo esencial nestes momentos para a poboación da zona.
Desde o goberno local tamén se indica que este servizo apostará pola formación e polo desenvolvemento de propostas de traballo continuo desde este centro de formación ocupacional.
Relacionadas:
-
Aumenta a demanda do servizo de orientación laboral de Cuntis, con máis de 360 entrevistas no primeiro semestre
Por Redacción |
-
Cuntis contratará trece traballadores durante seis meses
Por Redacción |
-
O paro baixou en xullo en todas as comarcas
Por Redacción |
-
Cuntis repetirá brigada anti incendios este verán e empeza a buscar persoal
Por Redacción |
-
Cuntis, Caldas, Moraña, Portas e Barro realizarán estudos de viabilidade para prestar servizos mancomunados
Por Redacción |