Un milleiro de berros contra o peche de Abanca: "Escotet, escoita, Campo Lameiro está en loita"
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/b3e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/61294b8029-crego.jpg)
© PSdeG-PSOE Pontevedra
![](/web/cache/scene/uploads/fotos/foto/547/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6129f3418b-026.jpg)
© Concello de Campo Lameiro
![](/web/cache/scene/uploads/fotos/foto/785/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6129f341ea-034.jpg)
© Concello de Campo Lameiro
![](/web/cache/scene/uploads/fotos/foto/846/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6129f3422f-039.jpg)
© Concello de Campo Lameiro
Ao redor dun milleiro de persoas participaban na tarde deste venres na manifestación convocada polo Concello de Campo Lameiro contra a decisión adoptada pola dirección de Abanca de pechar a única oficina que existe no municipio.
A manifestación foi encabezada por portavoces dos grupos municipais, PPdeG, Porvir e PSdeG- Psoe. Ademais outros representantes políticos como as deputadas autonómicas Lupe Murillo e Paloma Castro; o alcalde de Cerdedo-Cotobade, Jorge Cubela; o da Lama, Jorge Canda; ou o secretario provincial do PSdeG-Psoe, David Regades, asistían portando unha pancarta do mesmo xeito que decenas de residentes no municipio que mostran o seu rexeitamento a unha decisión que provoca, segundo entenden, graves prexuízos para todos os habitantes da zona ao verse obrigados a desprazarse para realizar operacións bancarias.
Persoas de avanzada idade, algúns en cadeiras de roda, achegáronse a este acto de protesta. Os manifestantes realizaron cánticos contra o máximo representante da entidade bancaria como "Escotet, escoita, Campo Lameiro está en loita" ou "Escotet, Escotet, tiñamos un banco e pechóunolo usté".
A concentración finalizaba diante da oficina de Abanca, onde o alcalde Carlos Costa leu un manifesto en nome de toda a corporación municipal con frases como "estamos hoxe aquí para erguer con dignidade a voz dos pobos modestos, a voz dos pobos humildes e traballadores que non se resignan ante a adversidade dos acontecementos" para continuar indicando que "estamos aquí para defender os dereitos dos veciños e veciñas de Campo Lameiro, pero tamén os dos pequenos concellos do rural galego que se ven sometidos a decisións inxustas que hipotecan o seu futuro, vulneran a igualdade de oportunidades e desertizan o noso territorio".
O máximo representante local indicou que "o rural galego mantívose leal e confiou no presidente de Abanca cando nos pediu que non retiraramos os cartos cando se fixo cargo das antigas caixas. El pediu o noso compromiso e nós respondémoslle con lealdade. Agora eles queren traizoar a nosa confianza, queren pechar a única oficina que teñen en Campo Lameiro e nós dicímoslles alto e claro: Non, non ao peche de Abanca e non á morte do rural galego".
Anunciou que seguirán loitando ata o final e que non resultará tan fácil acometer o peche co apoio da veciñanza.
Manifestación contra o peche da sucursal de Abanca en Campo Lameiro
Arredor dun milleiro de persoas, convocadas pola corporación municipal, amosaron a súa oposición ao peche da oficina de Abanca na vila
© Concello de Campo Lameiro
Relacionadas:
-
Carballedo seguirá tendo caixeiro automático no baixo da casa consistorial
Por Redacción |
-
Campo Lameiro rexeita a visita periódica da unidade móbil de Abanca
Por Redacción |
-
Organizan un velorio público o día do peche da sucursal de Abanca en Campo Lameiro
Por Redacción |
-
Colapsan a oficina de Abanca en Campo Lameiro presentando reclamacións
Por Redacción |
-
Campo Lameiro iniciará accións xudiciais contra Abanca por danos e prexuízos á veciñanza
Por Redacción |
-
O peche de oficinas bancarias, segundo Rueda, é unha "decisión empresarial" que a Xunta "non pode impedir"
Por Alejandro Espiño |
-
Nova vítima do 'éxodo' bancario: Portas queda sen a súa única oficina de Abanca
Por Redacción |
-
Crespóns negros no comercio de Campo Lameiro polo peche da sucursal de Abanca
Por Redacción |
-
Campo Lameiro redobrará a presión sobre Abanca tras a súa negativa a manter aberta a súa sucursal
Por Redacción |
-
Os socialistas piden que a Xunta interveña no peche de Abanca en Campo Lameiro
Por Redacción |
-
Escotet será 'persoa non grata' en Campo Lameiro se pecha a oficina de Abanca no municipio
Por Redacción |