Un colapso nas tubaxes obriga a actuar de urxencia na rúa cuntiense da Igrexa
Por Redacción
Nas últimas horas, o Concello de Cuntis procedía á realización dunha obra para reparar, de modo urxente, un tramo da rúa da Igrexa por un colapso no sistema de saneamento das tubaxes desta zona.
O alcalde de Cuntis Manuel Campos visitaba este mércores 13 o lugar xunto coa concelleira Conchy Campos para coñecer o estado da actuación.
As obras teñen unha complexidade engadida, ao pasar polo mesmo punto as canalizacións de auga, gas e fibra óptica.
Os traballos prolongaranse como mínimo esta semana e a próxima, dado que se ten que proceder a levantar todo o pavimento de pedra e a posterior colocación. A obra está a ser realizada pola brigada de obras municipal.
Ao mesmo tempo, o Concello tomará medidas con aqueles vehículos que acceden á zona do casco antigo e exceden de 5.5 toneladas, que son os que principalmente causan danos no pavimento. Dende o Concello de Cuntis amosan a súa preocupación polo deterioro dunha contorna con especial sensibilidade patrimonial por causa do tráfico rodado, de aí estas medidas.
Relacionadas:
-
Cuntis elimina a depuradora da Louriña e conectará Cardecide coa EDAR de Meira
Por Redacción |
-
Unha subvención permitirá a mellora dos camiños rurais das aldeas de Meira e Cardecide, en Cuntis
Por Redacción |
-
Reforman a estrada provincial EP-8403 na parroquia cuntiense de Arcos de Furcos
Por Redacción |
-
Pavimentación do Camiño de Pazo en Couselo para mellorar as conexións da parroquia
Por Redacción |
-
Cuntis pavimenta o vial que une San Miguel de Couselo coa N-640
Por Redacción |