Os traballadores de ENCE defenderán a fábrica "con uñas y dientes" ante o "acoso" do Goberno
Por Alejandro Espiño
Para os traballadores de ENCE resulta "sorprendente" a postura de Transición Ecolóxica, que nas últimas horas verbalizou a súa intención de expor unha saída "ordenada" para a fábrica pasteira e un calendario "razoable" para o desmantelamento das instalacións.
"Parece que é unha presión para nós", sinalou Toño Lafuente, presidente do comité de empresa da fábrica, que recoñece que "a vida xa non está sendo fácil" ao ter que traballar na situación xurídica na que se atopa a compañía.
Lafuente lamenta que a "división de poderes" entre a xustiza e a política "non existe", porque lembra que as sentenzas que anularon a prórroga concedida a Ence atópanse recorridas ante o Tribunal Supremo, polo que "non entendemos estas noticias".
A presidenta do comité de oficinas, Ana Cedeira, tachou este comportamento do Goberno como un "acoso y derribo" contra os traballadores. "Esta actitud prepotente, insultante y acosadora nos parece un auténtico despropósito", dixo.
Responsabilizou diso, principalmente, á vicepresidenta Teresa Ribera e ao secretario de Estado de Medio Ambiente, Hugo Morán, aos que Cedeira esixiu que "dejen de presionar al Supremo" falando dun hipotético desmantelamento.
"Las sentencias están recurridas y no todo está ganado por el Gobierno", engadiu a portavoz dos traballadores, que retou a Ribera a que "venga aquí y nos lo diga a la cara" tras demostrar ser "muy valiente detrás de los micros y las cámaras".
Ante esta situación, subliñou Ana Cedeira, "toca ser más contundentes" nas súas mobilizacións, advertindo que os traballadores defenderán "con uñas y dientes" a permanencia da fábrica de Ence en Pontevedra.
"Non imos consentir que nos boten dos nosos traballos", sentenciou.
Relacionadas:
-
A espada de Damocles que pende sobre ENCE
Por Alejandro Espiño |
-
Convocan unha protesta pro-Ence para este venres 29 rexeitada pola Coordinadora de Traballadores Auxiliares
Por Mónica Patxot & Anxo Lourido |
-
O Consello Consultivo ve "perfectamente viable" adscribir a fábrica de ENCE ao porto de Marín
Por Alejandro Espiño |
-
Feijóo, "máis tranquilo" tras comprometerse Teresa Ribera a que ENCE "quede en Galicia"
Por Natalia Puga |
-
Rueda, sobre ENCE: "A fábrica é o de menos, o importante son os postos de traballo"
Por Alejandro Espiño |
-
O Concello ve "lóxico" ir pensando no desmantelamento de ENCE e traballar "paralelamente e de forma seria" no traslado
Por Natalia Puga |
-
A APDR calcula que, de facerse firme a sentenza, en 2023 debe parar a actividade de Ence en Lourizán
Por Anxo Lourido |
-
Transición Ecolóxica baralla unha saída "ordenada" e un calendario "razoable" de demolición para ENCE
Por Alejandro Espiño |