O Concello de Moraña arranxará un camiño municipal para despexar o rego de Grixó
Por Redacción
O Concello de Moraña levará a cabo a reparación do tramo de camiño municipal no que existe un paso para o rego de Grixó, onde se detectou unha conexión deficiente dun afluente co leito. Este camiño, que une o centro urbano de Moraña co lugar de Grixó, atópase na parroquia de Lamas.
Segundo se indica na memoria do proxecto, no punto no que se levará a cabo a actuación había un problema co oco executado no lateral do paso, que non é alcanzado pola canle do afluente que conecta co rego de Grixó. Debido a isto, prodúcense con frecuencia problemas no camiño.
Por este motivo, o Concello encargou a actuación no paso actual do afluente, para ademais mellorar a seguridade viaria, aumentando a calidade do servizo e deixando en perfectas condicións a zona de paso dos vehículos, á vez que se mantén o leito natural do afluente do rego.
Deste xeito, demolerase todo o tramo afectado e se colocará un novo marco de formigón armado. Posteriormente, pavimentarase o firme nese punto e rematarase coa execución da obra, que ten un prazo dun mes para a realización dos traballos.
Desde o Concello de Moraña infórmase de que as obras veñen de ser adxudicadas por un importe de 16.391,75 euros.
Relacionadas:
-
Moraña humanizará a Rúa 6 con fondos do ReacPon
Por Redacción |
-
Proxectan a mellora "inminente" da conexión oeste-norte do centro urbano de Moraña
Por Redacción |
-
Moraña reforma as pistas que conectan Souto, Aldea da Fonte e Grixó
Por Redacción |
-
Comezan os trámites para mellorar as pistas que conectan O Souto, Aldea da Fonte e Grixó
Por Redacción |
-
Moraña repón a ponte da estrada As Casiñas-Mos
Por Redacción |