O 'pasaporte covid' será obrigatorio en ximnasios e residencias de maiores
Por Alejandro Espiño
Ante o avance da sexta onda da pandemia, que volveu a incrementar os contaxios en Galicia, a Xunta decidiu implantar o 'pasaporte covid', o certificado que demostra que nos vacinamos contra a covid-19, máis aló da hostalería e os hospitais.
Así o avanzou este xoves o presidente da Xunta de Galicia, Alberto Núñez Feijóo, que anunciou que este certificado pasará a ser obrigatorio en ximnasios, hospitais de día, unidades de diálises e residencias de maiores de toda a comunidade galega.
Para ampliar o uso do 'pasaporte covid', a Xunta solicitará a autorización Tribunal Superior de Xustiza de Galicia, tras aprobar mañá esta medida no subcomité clínico.
Núñez Feijóo expresou a súa "preocupación" ante o efecto que a próxima ponte festiva e a chegada do Nadal pode ter neste incremento dos contaxios.
"En función do noso comportamento individual e colectivo teremos un escenario ou outro. Todo depende do que fagamos", sinalou o presidente galego, que quixo enviar unha mensaxe de prudencia aos cidadáns para que extrememos as precaucións.
Tras pedir que limitemos as interaccións sociais durante os próximos días, o titular da Xunta advertiu que a situación epidemiolóxica está "a empeorar", aínda que recoñeceu que a situación asistencial nos hospitais segue sendo "relativamente boa".
Relacionadas:
-
O 'pasaporte COVID' pasa a ser obrigatorio para acceder a partidos en pavillóns e estadios ao aire libre
Por Diego Espiño |
-
O TSXG valida prorrogar ata o 18 de decembro o uso do certificado covid para acceder a hospitais e locais de lecer nocturno
Por Diego Espiño |
-
Detectan 153 novos contaxios nunha área sanitaria que roza xa os 800 casos activos
Por Alejandro Espiño |
-
Galicia quere vacinar os seus nenos a partir do 13 de decembro
Por Alejandro Espiño |
-
O 'pasaporte covid' regresa ao interior da hostalería tras aprobalo o TSXG
Por Natalia Puga |
-
O 'pasaporte covid' será obrigatorio para acceder aos hospitais galegos
Por Alejandro Espiño |
-
A fin da emerxencia sanitaria non fará decaer o 'pasaporte covid' para o lecer nocturno
Por Natalia Puga |